| Vana Võromaa 2008. aastagal | 2008. aastagal juhtu vanal Võromaal egäsugtsit tähtsit asjo |
Elo |
Märgotus |
|
|
|
| Edimäne Uma Pido 31.05 Kubijal | | Otsari Silja, Uma Pido laulukuurõ üldjuht |
«Kõgõpäält oll’ tuu pido mi hindä jaos tähtsä: tunda ummi juuri, saia väke võrokõsõs olõmisõst. Tunda ütenolõmist uma kandiga. Tuud kõkkõ mi ka saimi tuust pidost.
Või-olla seo pido avit’ mikandi rahval ka inämb arvo saia võro keelest. Võro keele eri kõlast ja kihlkundõst. Et ei olõ ütte võro kiilt, et egälütel või olla uma võro kiil.
Ma olõ märgotanu, et vast sai nii mõnigi võro keele vastalinõ sõbraligumbas, ku nii pall’o ilosit laulõ är laulti.
Umal Pidol kõlanuisi laulõ kotsilõ om küsüt ka päält pito. Naid tahetas laulda ja naid tahetas kullõlõda.
Saimi seo pidoga mano mitmit häid laulõ, midä saami ka päält pito laulda.
Väega hää miil om mul latsi üle, kiä saiva uman keelen laulda.
Latsikuurõ oll’ hulga ja taa pido läts’ nuurilõ häste pääle. Tuu om kimmäs.
Mullõ ku loomingulidsõlõ inemisele jääs Uma Pido seo aasta kõgõ tähtsämbäs ettevõtmisõs. Ma sai taa pido man tutvas ja kuuntüüd tetä mitmide väega põnõvidõ inemiisiga.
Ma tiiä, et Umast Pidost kõnõldas ka Võrost kavvõmbal: Talinan, Pärnun. Nii et – Uma Pido jätse märgi maaha ja mitte väigokõsõ!»
|
|
|
|