| | | Uma Lehe rekord-jutuvõistlus: 147 võistlusjuttu 50 kirotaja käest! | | | Hää Uma Lehe lugõja! Rõõm om teedä anda, et timahavanõ Uma Lehe suur jutuvõistlus oll’ tõtõst suur – 147 juttu 50 kirotaja käest om kuus aastakka peetü jutuvõistlusõ tävvelik rekord.
Uma Lehe jutuvõistlus oll’ ka seo kõrd inämb nal’ajutu-võistlus, a saadõti ka väega tõsitsit juttõ. Kah’os es olõ üttegi juttu teemal «Kuis ma (tä) ilma tüüldä jäie ja miä päält tuud saiõ», a tuu iist oll’ esieräline jutt valiman käümisest, kats verd saisma pandjat luku pümmesooligu vällälõikmisõst, juhtumiisi koolipingist, eläjä-luu: kanast, suukurõst, põdrast, pinnest ja eski viruskikkist! Es puudu ka koolnu, vaimu, paugutaminõ ja muu terävä elämüse.
Þürii (Ruitlasõ Olavi, Kauksi Ülle, Koha Priit, Valpri Valdo, Allasõ Tiia ja Harju Ülle) säädse ritta tõsidsõ ja nal’alidsõ jutu eräle. Kõgõ parõmb nal’ajutt sai egä þürii liikmõ käest 10 punkti, kõgõ parõmb tõsinõ jutt kah 10. Häädüselt tõnõ nal’ajutt sai 9, tõsinõ jutt kah 9 punkti ja nii edesi üte punktini vällä. Võitsõ jutt, miä sai kokkovõttõn kõgõ inämb punktõ.
Uma Lehe toimõndus
|
|
Pääleht