Nummõr' 203 Mahlakuu 6. päiv 2010 TOIMÕNDUS UMA LEHE TEL´MINE ARHIIV PÄÄHÄMÄÄRMINE (reklaam)     Pääleht   Kümnes võrokiilne näütemängopäiv Puigal Uudissõ   Palkõ vaihtamisõ oppus Räpinäl   Võrokiilne ilmateedüs ETVn Märgotus   Viimse Kullar: filmi nii Võrumaa ku üleilmalist küläellu   Anda om õks õndsamb Elo   Vana kolhoosiesimehe kevväi   Kar’alaskmispäiv Urvastõ muudu Juhtkiri: Uma ja hää näütemängopäiv Tähtpäiv Uma Pido Savvusannan Kirä Ruitlase jutt Perämäne külg   Kümnes võrokiilne näütemängopäiv Puigal   Harju Ülle ylle@umaleht.ee             Ruusmäe noorõ näütlejä omma talolatsõ Lattiku Jaani tükün «Nuuri soovi».   Orava poiss Alliku Kaarli mäng Poola pani Kõivu Madisõ tükün «Tõõnõ uno Matsi jutt».               «Kae, susi jätse hanna ijämulku!» hõikas Puiga latsiaia poiss Horni Christopher võidulidsõ helüga.   Vilustõ noorõ omma peris huvitavalt kokko klapitanu rahvarõiva ja sinidse huulõ, kitarri ja rahvatandsu.                   23. urbõkuul tulli Puiga koolitarrõ võrokeelitsit näütemängõ mängmä kümme truppi koolilatsi. Seokõrdsõl näütemängopääväl oll’ juubõli hõng man: iks kümnes kõrd koolilatsi võrokeelitsit näütemängõ kaia-kullõlda. Nuuri tiatritegejit tervit’ ka Võro valla abivallavanõmb Kalgi Aigar, sõnnoga: «Olkõ hää inemise, kõnõlgõ iks võro kiilt, milles tuu hää om, saati arvo sis, ku olõti esi joba hallipäidse!» Kõgõ parõmbas näütemängos valisi žürii (Allasõ Tiia, Reimani Silvi ja Veski Rivo) noorõmbast vannusõrühmäst Puiga latsiaia «Kuis susi kallo püüdse» ja vanõmbast rühmäst Vilustõ kooli raamadukogo katussõtiatri «Üts uma tands». Noorõmbist latsist nimmati parõmbis näütlejis Taaberi Katariina Puiga latsiaiast ja Udsu Alvar Mõnistõ koolist. Vanõmbist latsist mõistsõ þürii meelest kõgõ parõmbalõ mängi Loka Anete Võro Kreutzwaldi gümnaasiumist ja Koppeli Martin Puiga koolist. Eräpreemiä saiva Võro Kreutzwaldi gümnaasiumi tükk «Selgeltnägijä» (kokkosäädjä Linnamäe Helena) ja Haani-Ruusmäe kooli «Nuuri soovi» (autor Lattiku Jaan, lavastaja Pärnapuu Sirje). Juubeli-näütemängupäävä puhul üteldi hulga häid sõnnu päävä pääkõrraldajalõ Ruuli Helvele. Puiga kooli direktri Märdini Mart ütel’ Helvele sändse suurõ kõrraldamistüü iist viil eräle tenosõna.       Uma Internetin   Võro-Eesti sõnaraamat!!!