| |  Pääleht |
| Uudissõ |
| Märgotus |
| Elo |
|
|
|
| | | Suvõtiatri Koorastõn | | | | Harju Ülle | | |
| | | | | | Külämiis Tsäks (Kikermani Aivo) mõist häste keriguopõtaja (Kenti Joosep) jutluisi perrä kõnõlda, a külänaasõ tiidvä, et ilma saia andmisõlda tuud nall’a kuulda ei saa... | | | | |
Et rahvasuust peri juttõst või saia lustlik suvõtükk, tuud sai nätä 23. hainakuu pääväl Koorastõ mõisa 500. aastapääväl, ku Kanepi seldsimaja näütetrupp mängse Rahmani Jani näütemängu «Varetepalu».
|
Näütemängu põh’as omma jutu Koorastõ ja Erästvere paronist, vanapaganast, rahapaa löüdmisest, keriguopõtaja viguriist ja muust, midä rahvas tiidse Koorastõ kandin sündünü ollõv.
Inämbüs juttõst om peri Kanepi aoluu-uurja Hirvlaanõ Milvi kogost.
Kuigi näütlejä es saa näütemängu pall’o har’ota, tulõ-s lava pääl suuri jukõruisi ette.
Hää mängu iist omma kitmist väärt mitmõ. Ku ütte nimmada, sõs võisi tuu olla Vahtramäe Meelis. Joba inne tiatrit tennül Kanepi Aiandi ütel umanigul tull’ ütehäste vällä nii kuulmeistri ku vigurilidsõ külämehe mängmine, kiä tõsõ külämehega (Vassilko Marek) pinne kotti ai, et aita tütrikke mano saia. |
Tükü säädse lava pääle Sillamäe Ülle, päält näütetrupi mängse etendüsen üten ka Kanepi nuurikeskusõ trupp Dramantiinod ja laulsõ Kanepi segäkuur. Lavakujondus: Koorastõ Suurjärv, avidi ka Kiviranna Urmas ja Kristel ja Kalamehe Kalle.
«Varetepalu» mängitäs viil kõrd Kaika suvõülikooli aigu (kae kavva altpuult). |
|
|
| | | | | | Uma Lehe välläandmist tugõva Vana Võromaa Kultuuriprogramm ja | | | | | | |
|
|
|
