Nummõr' 287
Hainakuu 9. päiv 2013
  • TOIMÕNDUS
  • UMA LEHE TELMINE
  • ARHIIV
  • PÄÄHÄMÄÄRMINE (reklaam)
  •  
     
    Pääleht
     
  • Urvastõ kerik sai 600. aastapääväs vaiba
  • Uudissõ
     
  • Võromaalt löüti haruldanõ kimalanõ
  •  
  • Folkoorifestivaali alostas ja lõpõtas vokiorkestri
  •  
  • Võrokõsõ «Baltika» festivaalil.
  •  
  • Võru keele ja kultuuri laagri
  • Elo
     
  • Oro külä tiildäsõidu võistlusõ
  • Märgotus
     
  • Lepingiist ja näide juriidilisest jõust
  •  
  • Lutto, lutto (rutto, rutto) kattõ litta!
  • Juhtkiri
    Vana pilt kõnõlas
    Kirä
    Perämäne külg
     
     
    Urvastõ kerik sai 600. aastapääväs vaiba
     
    Kuulmetsa Heli
      
     
    Käsitüümeistri Kroonmäe Karmen näütäs vahtsõt Urvastõ kerigu põrmandurõivast, kohe (Kroonmäe Reiko pilt) 
      
    Hainakuu edimädsel nädälivaihtusõl õnnist’ pääpiiskop Põdra Andres sisse Urvastõ kerigu vahtsõ põrmandurõiva, mille kudi uma nuka käsitüümeistri Kroonmäe Karmen. Tuu oll’ Urvastõ kihklunna kolmõ valla, Urvastõ, Antsla ja Sõmmõrpalo kingitüs kerikulõ. Tukõ saadi ka Kultuurkapitalist ja inemiisi käest.

    Tuu ei olõ harilik asi, et üts nuur naanõ latsi, kodo, kooli ja tüü kõrvalt säändse suurõ kudamisõ hindäle kaala pääle võtt.

    «Tuu oll’ mu äi, Kroonmäe Aivar, kes mullõ tuu mõttõ päähä pandsõ. Ja mullõ nakas’ tuu kõrraga väega miildümä. Äi om ka Urvastõ kerigu nõvvukogun. Et ma opi Olustveren rahvuslikku tekstiili, sis sobisi tuu kerigu põrmandurõiva kudaminõ häste ka mu lõputüüs. Oppaja olliva ka väega ähinän, et kuimuudu ma tuu tüüga nakkama saa,» kõnõl’ Karmen.

    Edimält, ku Urvastõ keriguopõtaja Salumetsa Üllariga kõnõldi, sis oll’ timä arvaminõ, et võissi kuta Urvastõ ündrigutriipu, a Karmen arvas’ jälki, et tuu ei olõ nii põnnõv ja ei ütle inemiisile midägi. Tä tahtsõ õks as’a keerolidsõmbas aia ja kudi rõiva sisse Urvastõ vüükirä, õkva säändse mustri, midä muial kongi ei olõ.

    «Esihindäst oll’ tuu kõva tüü,» naard’ Karmen. «A periselt om mul väega hää miil, et ma seod põrmandurõivast tei. Tuu oll’ mullõ suur au. Ma olõ andnu hindäst sada protsõnti. Taa põrmandurõiva seen om nii pall’o mu hindä elun sündünüt, tundit, et tuud om õkva lust miilde tulõta. Ja õga tagasilüük (kül matõrjaali otsminõ, tarvikidõ uutminõ, tervüsehädä) põrmandurõiva kudamisõ man andsõ viil rohkõmb jõudu ja tahtmist tüü häste är tetä.»

    Kudaminõ es olõ Karmeni jutu perrä kerge. Vaip om 1,37 miitret lagja ja 21 miitret pikk, tuud istõn ei tii, kõik tull’ pistüjalgu pääl piili takan kuta. «Mõnikõrd poolõ üüni, tõnõkõrd kell neli hummogu inne tüüleminekit, nii ma tedä tei,» tulõt’ Karmen miilde.

    «A ma esi olõ rahul. Mõni või ju arvada, et om pall’u kirriv, a sääne tä tull’. Perämäne Urvastõ kerigu põrmandurõivas om umbõs nelikümmend aastat vana, ma arva, et mu uma võissi kah niikavva vasta pitä,» arvas’ Kroonmäe Karmen.

    Kudamisõ aigu tull’ Karmenile ka egäsugutsit häid mõttit, midä kõkkõ ja kuimuudu võissi viil tetä. Pinke pääle võissi kuta säändse pikä triibulidsõ rõiva, kon talvõl istu saasi. Altarikattõ võissi kah vahtsõ tetä…
     
      
    Urvastõ kerik 600

    Nädälilõpun peeti Urvastõ kerigu 600. aastapäivä – edimäst kõrda om kerikut nimmat aastal 1413. Puulpäävä oll’ kerikun Võro praostkunna vaimulik laulupäiv. Lauli kerigukoori mitmõlt puult Vanalt Võromaalt: Antslast, Räpinält, Põlvast, Rõugõst ja muialt.

    Pühäpäävä oll’ kerikun konvõrents kerigu aoluust.

    Kõnõldi rahvaperimüsest Urvastõ kerigu kotsilõ, kerigu ehitämisest ja esierälidsest vällänägemisest, kerikuga köüdetüist inemiisist, lõunaeestikiilsest «Wastsest testamendist» ja eestikeelidse kooli aoluust.

    UL
     
      
     
    „Tagamõtsa“ ETV-n 
      
    Uma Lehe välläandmist tugõva Vana Võromaa Kultuuriprogramm ja 
      
     
      
     
    Uma Internetin