| Pääleht |
Uudissõ |
Märgotus |
Elo |
| |
|
|
| Ütine lõõdsatõmbaminõ Valgjärvel tuust kandist peri lõõtsamehe Kikka Karla avvus.
Möldri Mati pilt | | Kikka-pido Valgjärvel | | Harju Ülle
Puulpäävä, 23. põimukuu pääväl pei päält 800 inemise legendaarsõ lõõdsamehe Kikka Karla 100. sünnüaastapäävä pito timä kodokülän Valgjärvel.
«Pääkontsõrt läts’ neli tunni pikäs, rahvas nõudsõ tandsus mängmist kah,» oll’ rõõmsa lõõdsapido kõrraldaja, Valgjärve valla kultuurinõunik Luiga Anu.
Kikka avvus tõmbsi kontsõrdi edeotsan lõõtsa nuu, kelle stiil Karla umalõ kõgõ lähkümb om: Noormaa Tarmo, Tauli Ants ja Teppo Aivar. Kontsõrdi lõpõt’ Ubina Juhan, kiä mõist Kikka mängmist täpsele perrä tetä. Vahepääl tõmbsi lõõtsa hulk tõisi lõõdsamängjit.
Savõrna lõõdsamiis ja -meistri Tartese Heino näüdäs’ vahtsõt raamatut Võromaa lõõdsamängjist. Põlva lõõdsaklubi and’ elotüüpreemiä Teppo Martinilõ ja Koppeli Antsulõ, preemiäraha anni lõõdsasõbra.
|
|
|
|