| Pääleht |
Uudissõ |
Märgotus |
Elo |
| |
|
|
| Põlva valla hariduspreemiä saanu Hallapi Lea om rõõmsa üten Mesimummi latsiaia keelepesärühmäga.
Harju Ülle pilt | | Hariduspreemiä keelepesäoppajalõ | | Harju Ülle
Põlva Mesimummi latsiaia keelepesärühmä oppaja Hallapi Lea (46) sai oppajidõ pääväl Põlva valla hariduspreemiä.
Avvohind anti Lealõ tuu iist, et tä vidä latsiaian joba viiendät aastat keelepesärühmä, mille tegemise tulõva häste vällä nii latsi ku näide vanõmbidõ meelest.
«Täämbä omgi meil keelepesäpäiv,» ütel’ Hallapi Lea minevä riidi, ku Uma Leht küllä läts’. «Latsõ tulõva, ütlese kõrraga «Tere hummogust!» ja terve päiv kõnõlõmi näidega uman keelen.»
«Upin!» tiät’ kuvvõaastanõ Grete Ly üte timä meelest ilosa võrokeelidse sõna. Rühmän miildüs tälle väega – nii mängi ku võrokeelitsit laulõ laulda. Esieränis miildüse tälle Kalkuna Mari laul «Suvi» ja Tal’na Võro seldsi andsambli Liiso lugu «Sa olõt illos, Võromaa».
Hallapi Lea ütel’, et latsiaia jõulupidol tegevä timä rühmä latsõ iks umakeelist näütemängu, laulva ja lugõva luulõtuisi.
Rühm om sõbõr Mamastõ latsiaia keelepesärühmäga, tõnõtõsõl käütäs külän.
Hallapi Lea ütel’, et latsi vanõmbilõ miildüs, et näide latsõ keelepesärühmän omma.
Parhilla om nädälin kats umakeelist päivä, mõnõ vanõmba omma joba arvanu, et võissi ka terve nätäl olla. |
|
|
|