Nummõr' 357
Urbõkuu 31. päiv 2016

Uma Leht tulõ vällä egä katõ nädäli takast neläpäävä!
  • TOIMÕNDUS
  • UMA LEHE TELMINE
  • PÄÄHÄMÄÄRMINE (reklaam)
  • ARHIIV
  •  
    Pääleht
     
  • Maakooli pidävä vasta
  • Uudissõ
     
  • Ehtsä mäng ja illos laul Puiga näütemängopääväl
  •  
  • Pokumaa saa vahtsõ juhi
  •  
  • Kotussõ-juttõ eräpreemiä läts’ Räpinä kihlkunda
  •  
  • Uma Pido loengupäiv
  •  
  • Tii koolielost pilte!
  • Märgotus
     
  • Tulõ esi tetä!
  •  
  • Üts küsümüs
  •  
  • Kirä
  • Elo
     
  • Suurõtiimuusõum sai väärt kelläkogo
  •  
  • Eesti kõgõ korõmb katai
  • Juhtkiri
    Vana pilt kõnõlõs
    Ruitlase jutt
    Perämine külg
     
     Loe Uma Lehe pdf-i:
      
     
      
     Tahassi saia Uma Lehe pdf-i egä kõrd hindä meili pääle?

    Andkõ teedä info@umaleht.ee pääle!
     
    Maakooli pidävä vasta
     
    Harju Ülle

    Vanal-Võromaal pantas sügüsest kokko õnnõ Põlva kooli, tõsõ pidävä viil vähämbält aasta vasta – 1. mahlakuu pääväs (1.04.) piät umavalitsus kuulõ hoitmisõ är otsustama ja tuust riigile teedä andma.

    «Lasõmi edesi!» rõõmust’ Pikäkannu kooli vidäjä Tamra Ave, kiä sai minevä nädäli Lasva vallavolikogost hää sõnomi. Volikogo otsust’, et eski ku riik piässi vaihõpääl otsustama, et umavalitsus ei piä eräkuulõ tugõma, tugõ Lasva vald Pikäkannu kooli pidämist iks vähämbält järgmädse kooliaasta lõpuni. «Latsõ omma õnnõliku, et kuul jääs alalõ ja mul om väega hää miil, et vald tugõ meid inämb ku inne,» selet’ Tamra Ave.

    30 latsõga Pikäkannu kuul om üles ehitänü latsõsõbraligu ja luuva koolioppusõ. No om nätä, et tuud om vaia. «Meil opp katõssa last vällästpuult valda, sändse latsõ, kellel om rassõ suurõn koolin oppi,» selet’ Tamra Ave. «Meil om maakunna ainukõnõ väikuklass haridusligõ erivajaduisiga latsi jaos. Sinnä saami viil kats last mano võtta.»

    Sügüsest om 1. klassi tulõman neli last ja maakooli püsümises om tuu küländ kimmäs arv.

    Rõugõ vald tugõ eski viil väikumbat eräkuuli – 12 latsõga Leiutajate küläkuuli. Vallal om väke tuud tetä: valla latsi arv kasus kipõlt. Rõugõ valla hindä kuul om üts vähätsit maakuulõ, kon om kats edimäst klassi.

    A Räpinä vald hoit edesi Vana-Võromaa kõgõ väikumbat vallakuuli, 24 latsõga Ruusa kuuli.

    «Latsiaiast om põrõhõla latsi pääle tulõmah ja väiko latsõ kuul pidänü iks kodo lähkoh olõma,» põhjõnd’ Räpinä vallavanõmb Palu Kaido. Tä ütel’, et väikeisi kuulõ tasus hoita ka selle, et kõgõ tulõ mano latsi, kiä suurõn koolin toimõ ei tulõ. Väiku maakuul sutt nuu latsõ koolin käümä ja opma panda.

    Väikeisi kuulõ hoitmist vai kinnipandmist nakkas Räpinä vald kaaldma ütenkuun tõisi valduga, kellega haldusreformi käügin ütte mintäs.

    Vana-Võromaa tõsõn veeren leivä vanõmba ja oppaja ildaaigu MTÜ Karula Koolikogokund, mille tsiht om hoita Lüllemäel 9klassilist kuuli. Paiklik rahvas pelgäs, et ku Valga liin piäsi Karula valla alla niildmä, sis saadõtas 76 Karula last liina kuuli.

    A maainemise tahtva, et näide latsõ saanu oppi väikun uma näo ja vaimsusõga maakoolin.

    MTÜ Karula Koolikogokund saat’ lakja avaligu kirä, millen and’ teedä, et noorõ ettevõtligu latsiga perre tahtva ellä ja elämä tulla sinnä, kon om lähkül hää väiku kuul.

    «Ku maakuul püsüs ja arõnõs, sis kasus ja arõnõs ka maa-kogokund,» põhjõnd’ MTÜ luumist tuu vidäjä Meriste Mats.
     
    Pikäkannu kooli opilasõ omma rõõmsa, et saava uman koolin edesi oppi.
    Harju Ülle pilt
     
    Ku pall’o opilaisi mi kandi kuulõn opis

    Vana-Võromaa kooli

    Võro gümnaasium 243
    Võro täüskasunuidõ gümnaasium 126

    Põlva ütisgümnaasium 626
    Räpinä ütisgümnaasium 412
    Parksepä keskkuul 321
    Antsla gümnaasium 287
    Vahtsõliina gümnaasium 214
    Kanepi gümnaasium 175
    Varstu keskkuul 99

    Võro Kreutzwaldi kuul 662
    Võro Keskliina kuul 451
    Mamastõ latsiaid-kuul 247
    Puiga põhikuul 175
    Põlva põhikuul 163
    Rõugõ põhikuul 161
    Kääpä põhikuul 141
    Kuldri kuul 111
    Mooste põhikuul 106
    Vilustõ põhikuul 99
    Osula põhikuul 89
    Rosma kuul 87
    Tilsi põhikuul 82
    Lüllemäe põhikuul 76
    Kruutusõ põhikuul 75
    Haani kuul 70
    Mõnistõ kuul 68
    Krabi kuul 66
    Savõrna põhikuul 61
    Orava põhikuul 58
    Sõmmõrpalo põhikuul 58
    Urvastõ kuul 49
    Harglõ kuul 47
    Kauksi põhikuul 37
    Pikäkannu kuul 30
    Misso kuul 28
    Võro Järve kuul 26
    Ruusa põhikuul 24
    Leiutajate küläkuul 12
    Põlva Roosi kuul 12

    Setomaa kooli

    Verska gümnaasium 122
    Meremäe kuul 40
    Miktämäe kuul 36

    Lätte: Võro ja Põlva maavalitsus, kooli, vallavalitsusõ
      
     «Vahtsõmbat
    Võromaalt!»

    Vikerraadion
    egä neläpäävä!
      
     
     „Tagamõtsa”
    ETV-n
      
     Uma Lehe välläandmist tugõva Vana Võromaa Kultuuriprogramm
      
     
      
     
      
     Uma Internetin