Valimisõ omma seos kõrras läbi ja muinasjutust saa jäl
tavalinõ elo. Tuu om edespite nätä, ku pall’o naist
poliitikide ilosist lubaduisist perrä jääs. Saami nätä
ka tuud, määntsiid salaplaanõ näil valijidõ iist käkki
õnnistu.
Elo lajal Võromaal lätt iks edesi, üts’kõik’ sis määne
valitsus tulõ. Saias latsi, tetäs tüüd ja proovitas ello
edesi viiä.
Umal Lehel om hää miil’, et siinkandin lövvüs viil
inemiisi, kiä midägi tahtva ja joudva uma kodokandi hääs
är tetä.
Ku maainemine saa hindä ettevõtmisõlõ jala ala, tulõ ka
hindäusk tagasi ja piä-i suurdõ liina parõmbat ello
ots’ma minemä. Ega kimmäs Võromaa inemine tahaki-i nii
väega är liina paeda: Krabi põhikooli direktri Sprengi
Ale ütles, et timäl olõ-i kunagi säänest suuvi olnu. Ja
mille piäski olõma, ku om tüü ja tüü tulõmuski nätä:
timä luud opilaisikodo tõi piiriviirsehe kuuli mano 30
last.
Tuudki
om hää kuulda, et ka vanõmba inemise istu-i jala aho
pääl: 85-aastanõ Mändiku Viktor nikõrdas puust
näkineiosit – om inemisel tegemist ja perän silmäl ka
hää kaia.
Uma Leht suuv’ kõigilõ umilõ lugõjilõ hüvvä keväjä
algust. Ku päiv nakkas korõmbalt käümä ja lämmämbält
pääle paistma, sis tundu-i elo inämb nii rassõ ja ikäv.
Võromaal om nii pall’o hääd, minkperäst tasus siin ellä.
Uma internetin
Siia vaotaden
saa kullõlda ansambli Liinatsura vahtsid laulõ.
Siist saa
uuri võro-eesti synaraamatut
Siist saa kaia Põlva, Räpinä ja
Vahtsõliina kihlkunna kotussõnimmi
Siist
saa lukõ ja
kullõlda muinasjuttu «Vaenõlats’ kuu pääl».
UMA LEHE
SÕBÕR!!
|
|
Silmä Sandri: Jänesse pästvä talo
Sprengi Ale: olõ-i määnestki tahtmist är liina minnä!
Saarõ Evar:
Kaika
kupli juht’va nikõrdaja kätt ja miilt
|
ILM
Kuu tulõ segäne
Bergmanni Karl,
ilmavana
Paastukuu piässi algama jahejidõ öie ja lämmide päiviga.
Inämbjagu aost om pilven, selgit päivi või olla mõni
ütsik. Sadõmiid ei piässi olõma.
Kuu
edimidse veerändi aig tulõ viil segätsemb ku kuu algus.
Üts’ päiv või olla peris külm, tõnõ jäl peris lämmi.
Mõnõlpuul või sata ka vihma vai lörtsi. Sääne aig om
nikani ku keväjä algusõni, veitsüviisi lätt lämmämbäs.
Pääle
keväjä algust või minnä viil lämmämbäs ja ka saodsõmbas,
või tulla vihma, lummõ ja ka lörtsi. Üüse või mõnõl puul
olla viil üükülmi.
Kuu om
väega segäne viil tuuperäst, et paastukuu tuul’ om
muutlik. Tä taha-i kongi paigal saista ja om külm nikani
ku keväjä algusõni. |
|
KA KOS ÜTEl`
|
"Mille ütski bussijuht’
Riigikokko es kandideeri?
A sääl ei saa jo juht’va kotussõ pääle, lastas õnnõ nuppõ
vaota!"
Põlva-Võro
bussi juht’
Vahtsõ-Roosa rahvas aust’ aastapäivä.
24. radokuu pääväl oll’ Vahtsõn Roosan vabariigi hällüpäävä
pidu. Külä kõvõmba laulumehe Kolga Ilmar (pildil kural),
Tikri Volli ja Mõtsavelle talu perremiis’ Mõttusõ Meelis
lauli poodi man rahvalikkõ laulõ, külärahvalõ pakuti süvvä
ja kangõbat kraami kah.
Kümme aastat sai täüs Mõtsavelle poodi
vallalõtegemisest ja tuul puhul kingiti kaupmehele Söödi
Kajalõ vahtsõnõ ratas. Viis’ aastat sai tuust aost, ku
Mõttusõ Meelis organisiire egäle külä majalõ riigilipu,
kutsõ opõtaja lippõ õnnistama ja näüdäs’ rahvalõ uma esä
Harri är käkit ja toona üles löüt mõtsavellepüssä.
Fastrõ Mariko |
|