Võrokõisi lipust
Ütelt puult om võrokõisi
lipp nigu pall'o luksus, a tõsõlt puult – ku setokõisil
joba om, kui sõs võrokõsõki ilma saava ellä…
Ma esi olõ joba paar'kümmend
aastakka märk'nü, määne võinu olla mi lipp. Meil,
võrokõisil, olõ-õi õnnõs vai kah'os olnu üttegi umma
vallitsõjat vai sõs võõrastki, õnnõ süämele kallist,
nigu mõnõl puul muial, kink lipu saasi hindä umas üle
võtta. Seoperäst jääs üle lipp vällä mõtõlda.
Määne võissi sis lipp olla?
Mullõ om miildünü Gröönimaa lipp ni laplaisi uma.
Mõlõmba pääl om päävätsõõr'. Meil võinu kah päävätsõõr'
olla, taad viil inämb, et Võromaa ammõtligu vapi pääl om
kah määneki tsõõr'. A värmi võinu meil ollaki sääntse ku
suumlaisil: sinine ja valgõ. Ma olõs jaganu lipurõiva
pistü poolõs, seo om üllest alla ja sinnä keskele pandnu
sõs päävätsõõri. Sinidse poolõ pääl olõs valgõ
puul'tsõõr' ja õkva vasta valgõ poolõ pääl sinine
puul'tsõõr'.
Elleri Kallõ
Kiri kiruta aaderssil Lao 5 Põlva liin
63 308 Uma Leht
Toimõndusõl um õigus kirju vahtsõlõ kiräviisi
panda ja naid lühendä. Kirä iist honorari ei masta.
|