Uma
Leht tund häädmiilt, et Kultuu rkapitali aastapreemijide
jagamisõl Võro maakunnan saiva umakultuuri tegijä
väärilidselt tunnustõdus. Põlva maakunna
preemiäjagamisõl ummamuudu ja paigapäälsest juurõst
kasujat kultuuri suurt es tunnustõda, a olõ-i hätä,
oodami tuu ao ka är. Tegijä omma jo inämbähe noorõ.
Vas't õkva tuuperäst tüküse kultuuriellu juht'ma pantu
ammõt'nigu umakultuuri edendäjit määndseski kildkunnas
pidämä.
Et Kauksi Ülle sõbra ja Võro Instituut'.
Võinu üts'kõrd arvo saia, et umakultuuri mano või jõuda
mitund muudu ja sääl olõ-i midägi häbendä, et toetas
hinnäst uma rahva tõistmuudu keele ja esierälidsi
kombidõ pääle. Kõgõ tuu hää vana man taso-i muidoki
vahtsõst hääst kah är üteldä. Päämäne om kõkkõ
mano-opitut esivanõmbilt opituga kõrvuisi säädi ja
hinnada.
Nii nigu kõik' maarahvas om umas võtnu hainapallinööri
ja mobiil'telehvonni, võtva ka kodoleevä tegijä umas
vahtsõ kuntsi vana hää as'a saamisõs.
Päämäne om, et püsüs tahtminõ maitsa umaküdsetüt
lämmind leibä. Turistõ meelehääs või jo ka muidogi
ahopaed pühki ja leevälapjut viibuta, a tuud tohe-i
päämädsega segi aia.
Ku võro umakultuuri takastõukaja tuud meelen pidävä ja
nakka-i kõkkõ tõisilõ ette kirotama, et kuis olõma piät,
sõs tulõ herksämb rahvas jär'est näide poolõ üle.
Parlaki kõlas avalik arvaminõ joba küländ selgele: Võro
liina uhkusütelüst iks põltsamaa keelen vällä ei märgi.
|
Saarõ Evar:
Leeväteost vanna ja vahtsõt muudu
Karu Taavi: saatõjuht'minõ om
ullimuudu hää kogõmus
Harju
Ülle:
Umakultuur' om avvu seen
ILM
Tege
külmä ja tuisku
Bergmanni Karla,
ilmavana
Näärikuu alustus piässi olõma parralt külm, satas
parralt lummõ ja mõnõl puul tuiskas ka veidü.
Kolmõkuningapääväst edesi piässi külm kõvõmbas minemä,
a mitte egäl puul. Sjookõrdnõ külm või olla egäl puul
esisugudsõ kraadiga.
Viimätsest veerändist edesi või olla satu ja tuisku,
külm või olla muutlik.
Noorõkuu ümbre piässi olõma tuntavalt külmemb, a sõski
või olla mõnõl puul veidü sadõmiid.
Kuu lõpuni piässi olõma parralt külm ja mõnõl puul
suurõ lumõsao ja ka suurõ tuisuga.
Siin om
laulik «Tarõ taivahe», kost saat kaia ja selges oppi
hulga Võromaa rahvalaulõ
|
|