Mehikuurma eläs iks kalast
Allasõ
Tiia
tiia@polvakoit.ee
Värsket
kalla saa egäüts` mis-taht-aol Mehikuurmast, kon peedäs
timahavvanõ Kaika suvõülikuul`.
«Kalla um», ütles OÜ
Latikas päämiiss` Margus Narusing. Tartomaa Miikse
valla kygõ suurõmb ettevõtõq, OÜ Latikas - pakk tüüd 50
inemisele, kinkast inämbüs ommaq kohaliguq kalameheq.
Suvõl algas kalamiihi tüüpäiv nellä paiku hummugu.
Et kala hukka es lännüq, võedas laiva iäd üten ja
saagiynnõ hääs visatas vette tsilk viinagi.
Parhillaq käü püük` ynnõq mõrraga, võrgoga
püüdäq ei toheq. Traalipüügiga OÜ Latikas ei
tegeleq. Vällä tõmmatas
kykkõ: latikat, haugõ, kohha, ahunat, angõrjat.
Sadaman ja kalapunktin mass vähämbä latika kilu 10
kruuni ja suurõmbal 14, haug mass 16, särg` 4 kruuni.
Koha aasta keskmäne hind om 30 ja ahunal 20 kruuni
kilu.
Kalameheq
ommaq inämbjaolt füüsilidsest
isikust ettevõtjaq,
kiä masva OÜ
Latikalõ lepingide alussõl renti
püügilubadõ, püügiriistu ja
sadaman tüütävide massinide
iist. Kalapüüdjäq jagunõsõq
laivkunnõs, midä näütüses
Mehikuurma sadaman
om neli. Laivkund ühendäs
kuni säidset püüdjät
Ku
30-40 mehele and tüüd järv, sys naisilõ ei tahaq
Miikse vallan tüüd jakkuda. Innembine Mehikuurma
ummõlusõtsehh ei tüütä ja
kalaturism tahtnu välläarõndamist - huvi tuu vasta um
õigõq suur`. Mehikuurma ütes päähädäs om Tarto
puult tullõn 40 km ruusatiid, miä keväjä peris läbipäsemäldäq.
A õkva keväjä käü püük` kygõ suurõmba huuga,
meheq ummaq tõnõkõrd tüül 15-20 tunni.
Kalamehe ammõt` perändüs Peipsi veeren sakõst esält
pojalõ. «Näütes muq esä om üle 50 aasta kalur` olnuq, maq
esiq seol alal tegutsõnuq 12 aastat,» kynõl` Margus
Narusing.
Timä meelestki om ja jääs kalandus Mehikuurma elo
alussõs, kuqki parhillaq um rassõ alusta. «Uma 200
000 kruuni piät kimmäle sisse pandma,» löüd
Narusing. «Vinne aigu massõ kapronivõrgu kilu kopikit,
nüüd koskil 100 kruuni. Kolhoosist saadu rasvaga eletäs
täämbädseni.»
OÜ Latika all tüütäseq inämbüste meheq vannudsõn 30-45
aastat, alla 30 vanutsit um üts`-kats`. Kalamehhi arv sõltus
keskunnameti eräldet püügilubadõ arvust. «Egaq
kalurit manoq ei tulõq, kuq, sys asõmalõ. Püügilubadõ
arv om piiratu.»
Riidi
Mehikuurman algava Kaika suvõülikooli tudengiq saavaq
nisamatõ värsket kalla ni laivagagiq sõita.
|