Vussilännüq
jutt
Ma
trehvässi üts`päiv uma kunagidsõ naabrimehega. Võtimi mynõ lõvvatävve õlut
ja aimiq vähäkese juttu kah.
Ma tahi
asjakohadsõ jutuotsa kätte saiaq ja küsse tä käest,
miä tä valimisist kah arvas. Timä nakas` mullõ õkva
umma kihutamise tüüd pääle ajama. Kaeq, äräq sa
toolõ Petsile kül umma hellü antku. Egaq tuu õigõ
miis` ei olõq. Päältnätäq kül vaganõ niguq
kohitsa saanuq oinas, a krutskit täüs. Õigõt juttu
ei olõq täl kah. Naisi perrä juusk ja viina pidi kah
viskama. Etteotsa piät saama iks üts` tõssinõ miis`.
Ma es
saaq timä juttu inämb edesi kullõlda. Panni sõrmõ
suu pääle ja ütli, et äräq sa säänest juttu inne
presidendivalimist ajagu. Tä jäie mullõ suu peräni
otsa vaht´ma. Ütel` sis, et mis presidendi, ma kynõlõ
tollõst Petsist, kiä eläs viiendä kõrra tarõh. Tuu
taht naada maja huuldajas ja haldajas. Noid mehi kah nüüd
valitas ja hääletädäs.
Kaeq,
kuis üts` tõsistmuudu jutt või võlssi minnäq!
Märksi
Ilmar
Kiri kiruta aaderssil Lao 5 Põlva liin
63 308 Uma Leht
Toimõndusõl um õigus kirju vahtsõlõ kiräviisi
pandaq ja naid lühendäq. Kirä iist honorari ei
mastaq.
|