Tulõs
vällä anda vabasurma säädüs
Inemine
oll` lootusõtult haigõ. Tohtriq es annaq timäle
lootust elläq inämb ku vast paar` nädälit, kirut` x.
detsembri Sakala.
Jahmat
tuu, et haigõ inemine saadõti kuulma kodo, kon tä
hindälõ otsa tegi. Sääntse haigusõ kõrral olõs
tohtriq pidänü põdõja kannatuisi leevendämä,
nikagu timä ärq kutsutas. A ümbrekõrraldusõq ommaq
miq tervüsehoitmist nii pall`o ärq lahknu, et minejäl
tulõ asõ tühäs tetäq noilõ, kinkal viil lootust
om.
Midägi
om miq riigin väega määnüt, kuq aastaga lõpun olõ-i
inämb ravimisrahha, sünnütäjaq saadõtas maa tõistõ
otsa ja väikokõsõq latsõq koolõssõq ärq. Tohtriq
saa-i kah midägi tetäq, ku tuu tervüsehoitmise
poliidika tüküs mõtsa minemä.
Tervüsehoitmine,
julgõolõk` ni sotsiaal`abi ommaq sääntseq as`aq, midä
riik` piäs uma kodanikõlõ kättesaadavas tegemä. Tulõ
vällä, et meil om arstiabi ynnõ rikastõ iinõigus.
Ku
vähjähaigõlõ ei jaguq viimätside tunnõ jaos
valuvaigistit, sys tulõs vällä anda vabasurma säädüs.
Et inemine ei piäs kablajupist vai karmust viimäst api
ots`ma.
Tsääro
Elmar Viiratsist
Krematoorium
savvas vahtsõst
Timukraatia areng Euroopan om jõudnu umbõ korgõ
kõrra pääle. Inemist, kiä om 270 liigikaaslast
lennukiga surma saatnu, ei pandaq tuu iist eluga masma,
a miljon lehmä ja pulli hukatas ni aedas ahju pall`alt
tuu iist, et myni näist kand haigust, mis –
või-ollaq, olõ-i viil kimmält teedäq – nakkas ka
inemisele.
Lehmätapp om tuu skisofreenia edimäne suurõmb
saavutus, mis Läänemaailma põllumajandusõn periselt
valitsas. Valitavidõ valitsajidõ jaos om liinarahva
otav süük` pühä, a et liinarahvalõ and autuaknõst
ilusidõ nurmi ja lehmäkarju nägemine kah kõva
positiivse emotsiooni, sys mastas põllumehele hinnavahe
kinniq. Ku massipsühhoos kunstliku tasakaaluga
süsteemi persele kisk, mastas ka häötämine kinniq.
Elektrijaamu liha pääle ümbre ehitämise tarkus om
näil muiduki joba Adolfi aost olõman.
Hirm sita sissesüümise iin om ainukõnõ asi, mille
eurooplanõ rohiliste jutust umas om võtnu. Lehmätapp
om nigu nõidu palutamine 400 aasta iist – avitas
usku, et Vanasthalvast om seos kõrras jaku saadu.
Võrukõsõlõ sääne usk ei istuq.
Saarõ Evar
Kiri kiruta aaderssil Lao 5 Põlva liin
63 308 Uma Leht
Toimõndusõl um õigus kirju vahtsõlõ kiräviisi
pandaq ja naid lühendäq. Kirä iist honorari ei
mastaq.
|