Noorõmb
põlv saa olõma eluga kimbun nigu kits Võru Suu pääl
Inne tõkkõpuu nõsõmist
VISSELI
AGU, mõttõkogoja aadressi pääl
http://www.hot.ee/sajandiparandus
Kynõldas
ütte luku, mis ollõv juhtunu umbõs 30 vai rohkõmb
aastit tagasi Võrol Suu pääl. Üts` mutikõnõ jõudnu,
kits kabla otsan, raudtii viirde ku tõkkõpuu nyna iin
alla lasti. Pikk` kaubarong nakanu tulõma. Tõsõs jäänüq
tõkkõpuu takka saisma nuur tsiklimiis Jawa ja pikki
valgide hiuusidega. Timä takan tulnuq hopõn` vankri ja
mehega, sys illus Tsiguli autu. Rohkõmb ei olõq siin tähtsä.
Kaubarongi minek` om teedäq: pikk` ja ikäv. Hobõsõl olõ
ei arru pään, tuu ollõv kõrras haarnuq mokkõga
tsiklimehe pikki valgit hiuussit. Või ollaq pidäsi noid
hainatuustis. Tsiklimehe aru kotsilõ või arvada nii vai
naa, igatahes rehäsnü poiss` hobõsõlõ vasta pääd.
Hopõn` teedäki hobõsõ aruga – hiitünü ja ajanu
vankrit huuga tagasi, vankri tagaotsaga vasta Tsigulit,
autul edetuli purus. Tsigulimiis` tulnuq sys vällä ja
nakanu hobõsõmehega õiõndama, tsiklimiist nakati ka süüdistämä,
võiollaq pesti hobõst. Või ollaq olli sääl viil
kellegi sõbraq lähkün ja ütlemine ollõv lännüq õks
kõvas. Pall`u rahvast kogunõsi ümbretsyyri kaema. Sõimõldi
seeniq ku rong` kyik müüdä läts` ja tõkkõpuu üles nõstõti.
Sys tulnuq viil kygõ suurõmb pahandus. Vai nali –
kelle jaos kuis paistus. Ku rahavs takanpuul sõimlõma
nakas`, lännüq mutikõnõ ka sinnäq uudistama. Timä
ollõv köütnü kitsõ lõa otsa tõkkõpuu külge ja lännüq
sinnäq sõimlõjilõ lähembäle. A ku rong` är läts`
ja tõkkõpuu üles nõstõti, jäänüq kits lõiga piten
tõkkõpuu otsa rippa. Hingämine pitsüsi kinniq ja inne
ku toda kyikõ tähele panti ja kits maha saadi, ollõv
vaesõl eläjäl hing` vällä lännüq.
Vot
määne lugu – paar` minutit kullu ja poiss` sai
pahanus, hopõn` hiitünüs, autul tuli katski, kits
puudus, mutil ikk vallalõ ja kes tiid – vast lätt taa
joru viil edesi...
Ma
ei tiiäq, kas taa om vällämõtõld lugu vai oll`gi
niimuudu. A tõnõ säänesama jutt om külh elust võet.
Taa lugu umbõs katõsaa aasta kotsilõ Euroopa aoluun ja
tan saavaq keskiälidseq ja noorõmbaq inemiseq esiq viil
osalidsis ollaq.
Seo
jutu algus om aoluuraamatin kirän. 150-200 aastat tagasi
tegüsiq Euromeerikan rikkaq inemiseq, kiäq tarviti
proletariaati ja sys nä leiq sändse proletariaadi.
Proletariaadi luumine sündü mõtlõmadaq ja ülepää-kaala,
ilma tasakaalu säädmädäq. Proletariaadilõ es andaq
nii pall`u vaimusissu ku inemisel vaia ja tuuperäst sai
proletariaat ull` ja kiuslik. Karl Marx nägi toda, nakas`
rikast rahvast parastama ja proletariaati takan tsuskma.
Niimuudu jagõldõn, vahel kõvva, vahel tasõmb, jõudsõ
20. aastasada. Sys arvssiq valitsõjaq, et rahvas jääs mõistlikumas
ja patriootilidses ku sõta saa pitäq ja sõda kõrraldõdiq.
A vällä tull` hullõmb – sya lõpp käändse Venemaal
proletariaadi diktatuuri sündümises, kipõn` ildaba teiväq
marurahvuslasõq Saksamaal tõsõ diktatuuri. Nii oll`
kats` kõvva kivvi olõman ja jälki tull` sõda.
Kats`
sõta mõiuq väega häste tehnoloogialõ, I ilmasõda sünnüt`
vabrikin konveieritüü, lennukiq, raadioaparaadiq. II
ilmasõda sünnüt raketiq, tuumaenergeetika ja
arvutustehnika. Niisama saivaq arstiq väega hää
kirurgipraktika. USA armee leiut` NLiiduga külmä sõta mängen
interneti ja andsõ tollõ peräst umilõ ärimehile. Ku
naid sõtu es olnuq, sõs mi elänü parla nigu 1930.
aastal eleti.
A
parla nõsõs tõkkõpuu tan tasakaalulda maailman.
Hiinlasõq saavaq inimõigusõq ja ruttasõq Euromeerikalõ,
niisama moslemiq ja aafriklasõq. Ja nafta saa tuus aos
otsa, mõtsaq saavaq otsa, Eestimaal kasus vilä asõmõl
võsu. Maailman ei olõq piire, ynnõ energia vai energia
puudujääk`. 200 aastat tagasi es pandaq tähele
tasakaalu pidämise tarvidust ja peräst ka ei olõq toda
tõsitsõlt proovitu.
Eesti
rahval ei olõq seo jutuga asja olnuq. Eestläseq ommaq
kyik taa aig uma rahva esiolõmise peräst murõtsõnuq.
Eestläseq nakkasõq muid maailma asju tähele pandma sys,
ku tõkkõpuu nakkas nõsõma.
Mii
noorõmb põlv` saa olõma taq eluga kimbun nigu kits Võru
Suu pääl, ku tõkkõpuu nõsõsi. Ja parlanõ põlv`
vahis nigu tuu vanamutt`, kiä uma kitsõ ärq lasksõ
puvvaq.
Vinne
autoküteq om selle nii popp, et hind om otav. Piiri
takan toodõtu 92 oktaaniarvuga bents mass Eestin 8-9
kruuni, Vinnemaalt saa tuu kätte veidüq inämb ku viie
krooniga. Siinseq inemiseq ommaq kitnü ka Vinne bendsu
kvaliteeti, kukki viimädsel aol om kuuldaq, et mynõq väegaq
ahnõq küttemüüjäq ostvaq Vinnemaalt 76
oktaaniarvuga bentsu ja mööväq tuud Eestin 92 pähäq.
Kagu
Tolliinspektuuri juhataja Männiste Johannes ütel`, et
Vinnemaalt kauba tuumise ja Eestin maaha müümisega
tegeles terveq tüüstüsharu. NäütüsesMatsuri külän
saavaq piiri takast tulnuq küttetootjaq kokko ummi «kolleegega»,
kellele andas küteq üle ja tuutjaq võivaq ummi
massinidega, millel ommaq suurõq paagiq, jälq
Vinnemaalõ bendsu perrä sõita.
Sääne
sama lugu om suitsõ, alkoholi ja rohtõga. Noid tuvvas
Vinnemaalt nii hindä ku müügi jaos. Räpinä inemiseq
tiidvä liinan mitund kimmäst kotust, kost või
Vinnemaalt tuudu Priima suitsu nellä-viie krooni iist
saiaq. Poodin tulõs sama suidsu iist massa üle kümne
krooni.
Aastatuhandaga
ei olõ harilikul inemisel
midägi tetäq
(Kaeq
UL nr 5 lk 2 ja UL nr 6 lk 2)
NEEDO
VILLU, mõtlõja
Kasagu
Enn om kavval` miis`, a Pulga Jaan om viil kavalamb. Jaan
lugõ üles pall`o maailma sündmüisi ja tärminit, midä
võissiq miq aoarvamise alostusõs võtta. Kygõ tähtsämbä
jätt agaq vällä ütlemädäq. Tuu takan om nigunii myni
kavalus vai krutski. Mille ei võissi lugõmist alostada
vanast Kalevist, kelle poig võidõl` raudmiihiga. Säält
saa selget arosaamist, et vana Kalev võidsõ sündüdä
1000 aastat peräst miq nulli. Võisiki sis kutsuq
juuskvat aastat katõtuhandõ edimädses. Jaan om nimekiräst
vällä jättänü ka paavst Aleksander Borgia täku,
kelle tuu «ilm-essümätü» pühits` kardinalis (veidüq
inne vai peräst 1500. a). Egaq Aleksandri-muudu miis` es
eläq ilma histoorikuta, kes muidogi pandsõ nii tähtsäq
as`aq kyik kirja. Säält võisiq vaest kygõ täpsembä
aoarvamise nulli löüdä.
Maq
jätä nüüd Ennu ja Jaani rahulõ ja kuuluda, mis ma
esiq nuist asjust arva. 2000. aasta om nimi. Nimi ei mõõdaq
midägi. Aastaq ommaq alostusõ ja lõpulda nimetüste
rida. Kümnendrehkendämise süsteem, mis muidogi om
paremb kyigist seonimaani leütüist, võtt tuu ria taadõ
ynnõ sis, kuq koskile pistetäs «0», mis andki aastilõ
nimeq. Arvulisi aastanimmiga rida luu rehkendämise võimalusõ
ja and tuuga as`alõ sisu (mõõdu). Tuud rehkendüst märgitas
x2-x1. Näütüses. Edimäne Eesti Vabariik kestse 1940
a-1918 a=22 aastat ehk Kalevi aoarvamise perrä
940a-918a=22 aastat. Kuq vaarao kuuli aastal 3000. e.m.a,
siss 2000-(-3000)=5000. 5000 aastat om tä joba pürämiidin
vai mynõn muuseumin olnuq. Muq igä om 2001-1919= 82
aastat. Nulli ei paistuq kohki. Esiki kotus ei muudaq
sissu (Kalevi näüdeq). Miq null` omgi juhtunu paika,
millest miq midägi ei tiiäq.
Võro
liinavalitsus kõrrald aastatuhandõ (2001) vastavõtus
kistumaldaq torõda tulõvärgi. Tuu valitsus võisiq 30
km tõsõlõpoolõ Tartut lüvväq tiiperve nuia, mille pääle
kirotada suur null`. Sis võisiq Võrolõ Kreutzwaldi
samba kõrvalõ pistü aijaq uhkõ 100 km steeli. Kyik om
jo õigõ – 70km+30km=100 km.
Kuq
nimest nakkami määnestki tähendüst (vai myytu) ots`ma,
sis võisiq herrä Kasakut pitäq valla käskjalas vai
syamehes. Ma arva, et tä ei olõq kumbagi. Vai ku 2000.
aasta ei kõlba tõisi katõtuhandõlisiga ütte, sis või-ollaq
ka hr Kasak ei kõlba tõisi Kasakitega ütte klanni.
Aastatuhat
om nii suur` arv, et tuuga ei olõq harilikul inemisel midägi
tetäq. Nigu näites valgusaastagagiq. Vahtsõ(-nimega)aasta
vastavõtmise kombõq ommaq meil olõmah, tuhandõvahetusõ
kombit ei saakiq tekküdä. Aga näh, rehkendämise
massinaq olliq tuhandõvahetusõst nimen (2000 )õigõ
heitünüq ja hindälgi läts` nigu hinge. Tuu oll`egi
kyik. Muud tähtsust ei midägi. 2001.-l es olõq tuudki.
Viil
millenniumist. Ladina keelen tähendäs mille
tuhandõt, millennium
om nimesyna tollõst. Võisiq vast tõlki tuhatkond.
Tuuga ei saaq jo myyta.
Kronoloogõl
om siski vaja aastidõ «mõõdulinti». Tuu kotusõ päält
olõ ma herrä Ennuga peri. Säänest «mõõdulinti» om
vaja ainult noilõ, nii niguq astronoomõl oma vaja teedäq
Siiriusõ kaugust Põhjanaglast. Herrä Enn ja Jaan, pallõsi
andis.
JUHTKIRI
Eurovisiooni lauluvõistlusõ vai pääle saatõ "Kaks takti ette" kaemist tulõ iks vastavuulu tsuklõja tunnõq pääle külh. Meil, Uma Lehe kokkosäädjil. Noorõq inemiseq laulva tävvelidselt inglusõ keeli. Eesti kiil` ei kõlba. Mis sys viil võro, seto vai mulgi keelest kynõlda. Liivlaisi pääle mõtõldõn olnuq vast paras aig matidsalauda valmistama naada vai väärika välläkuulmise vasta valmista.
A ei saaq ja ei toheq, selle et um ka tõisi märke. Perämädsel aol ommaq inemiseq arvu saama nakanu, et rahvarõivide tegemisel ja kandmisel um mõtõt sys, ku tiiät umma kihlkunda. Ku tahat kodukotusõ, ummi esivanõmbide mustri ja moodu perrä ollaq. Ku tunnõt niiviisi jakku hindä ja inneolnu vaihõl. Viil kümme aastakka tagasi himustiq pal?oq hindäle Setu vai Muhu rõivit, noidõ kirivüst, silmänakkavust. Nigu sjoo lehe edimädse külle jutust vällä tulõ, piäs Võrro tetäq plaanitav käsitüüpuut` uma-tiidvüst viilgi nõstma.
Algusan sai nimmatu nuuri. Nääq ommaq tõtõstõ inglusõ, kygõ vyyra lya otsan. A nii puul`tõist aastakka tagasi luudi Põlva maakunna nuuri rahvatandsurühm, kiä võtt` hinele nimes Kagu-Kabujalakõsõq. Es panõq näütes South-East Feet. Nink Kagu-Kabujalakõisil um häste lännüq - noorõq tahtva tandsi ja tõsõq naid kaiaq.
Hää kõrvalt lüü iks vällä ka hallu tegevat halva. Saarõ Evar kirutas sjoon lehen, et hullulehmätapp um niguq nõidu palutamine, 21. aastasaa massipsühhoos. Halva põhjustajas um maainemine - tuu perämäne, kiä tege rassõt tüüd, um kokkoputmisen maaga, sigitüse ja puhtusõ sümboliga. Ilda aigu tiatadiq uudistõn, et piimä hind nõsõs meil poodin selle, et tootjalõ (loeq: põllumehele) um vaia rohkõmp massa. Jälq maainemine süüdü! Tüüstüisi ja kauplõjide vaheltkasust pasunda-i kiäki!
Kaemi noq, miä saa. Selge um tuu, et kyik, mille kotsilõ saa üldäq uma koolõs vällä ütelisi viimädse maainemise vai põllumehega. Nii meil kui muial Euroopan.
|