Om talv’ ja telekavaht’misõ aig. Miä sääl väläpääl iks
turni – tii nilbõ ku klaas’, läät tii päält kõrvalõ, om
lumi munõni. Parõmb istuq tarõn ja kaeq pildikastist,
midä Kersna-poiss’ om ekstra su jaos vällä ots’nu. Aasta
otsa juuskvilõ seriaalõlõ tulõva seltsi viil valimisõq
ja eurovisiuun’. Ku kongi ilmapääl üts’ suurõmb sõda
vällä mängitäs, sys om ka pääväuudissin, midä kaia.
Rahustav om märki, et ilman sünnüs hirmsit asju, a meil
siin olõ-i muud hätä, ku et tsolgitoru külmi kinni ja
puukuur’ nakkas inneaigu tühäs saama.
Seo Uma Lehe nummõr’ om kah veidükese kirivämb ku muidu.
Kimmäle om mi kiräviisi lihtsustamisõ otsus üts’ tego,
midä üts’jago hingega võro as’a seen olõjit nakkas
populismis hõikama. A miä tetä. Võro kiil’ olõ-i Arvo
Pärdi muusika, et korjas hindäle üle ilma suurist
liinust avvustajit ja kontserdil käüjit kokko. Mi lugõja
omma õnnõ siin, Võromaal ja Setomaal, ja ütekaupa üle
Eesti lajan. Ull’ olõssi suurõmbat ossa näist pall’alt
katõ vastamiilt tähega tsuski, ku leht’ muido uma ja
meeleperäne om.
A või-olla võrokõnõ piätki arvo saama, et ull’-olõminõ
om kõgõ edesiviivämb joud timä hindätiidmise man. Et
ilma ulli tahtmisõ, ilma ulli jovvukululda saaki ei siin
põh’apuulsõl maal üttegi asja tettüs, olkõ tuu
spordivõistluisi võitminõ, ilosa piimäkar’a
üleskasvataminõ vai läbi paksu lumõ ja uarmidõ puuriida
mano joudminõ. Kiä tiid, kiä tiid...
Uma internetin
Siia vaotaden
saa kullõlda ansambli Liinatsura vahtsid laulõ.
Siist saa
uuri võro-eesti synaraamatut
Siist saa kaia Põlva, Räpinä ja
Vahtsõliina kihlkunna kotussõnimmi
Siist
saa lukõ ja
kullõlda muinasjuttu «Vaenõlats’ kuu pääl».
Uma Leht and
teedä!
Uma
Leht tulõ ti post’kasti ka vahtsel aastal! Kinkalõ tulõ-i,
tuu saa lehte telliq egäst post’kontorist.
Tel’misnummõr’ om 00917.
Kirotagõ meile ti hindä uman keelen ka vahtsel aastal!
Toimõndusõ aadrõs’ om Lao 5, 63308, Põlva vai
umaleht@umaleht.ee
UMA LEHE
SÕBÕR!!
|
|
Silmä Sandri: Kõgõ parõmb lehm eläs
Põlva kandin.
Kersna Vahur: ku usaldat
inemiisi, usaldasõ nimä sinnu!
Saarõ Evar:
Ilmavana oll´ ilmaga hädän.
Aholämmi !!!
|
ILM
Ilm jääs parralt
külmäs
Bergmanni Karl,
ilmavana
Kündlepäävä lätt külmäsüä lahki, tulõ satu ja tuisku. A
sis toukas kõrs’ ka lumõ hindäst kavvõmbahe.
Kuu piässi algama parralt külmä ja veitü sadõmiidõga,
mõnõl puul või veidü tuisada. Kuu kolmõ päävä vannusõs
saamisõ ja edimädse veerändi vaihõl või olla lämmämpi
aigõ, vähämbält päivä.
Päält tuud piässi minemä jaheligumbas, mõnõl puul või
sata ja tuisada.
Kuu lõpupoolõ või minnä ilm veidü segädsembäs. Või olla
pehmembit ja külmembit päivi, mõni päiv või olla peris
sula. Suuri sadõmiid ei piässi olõma, a tuul’ om terve
kuu muutlik. Mõnikõrd või puhku üte pääväga pia ringi
pääle, a puhkõ tä kost taht, iks om tuul’ külm.
_________________
Ilda aigu sai
telekast kaia noorõ mehe lõõdsamängu vana hää Teppo
Augusti pilli pääl. Lõõdsamiis’ Ubina Juhan (18)
kõnõlõs, et ummi lukõ lindistämise mõtõ tull’ suvõl Võro
folkloorifestivalil, kon oll’ võitumäng’mine Teppo
lõõtsu pääl.
loe
edesi...
|
|
Luigase Inara: HOITKÕ KÕKKÕ, MIÄ
OM UMA!
Niilo Tiit:
AJAQ IHO ELÄMÄ – PÄSET HÄDÄST.
KA KOS ÜTEl`
|
«Ega inne
inemiisile mõistus päähä ei tulõ, ku sõta nännü ei olõ!»
Kunstnik Navitroll´a kommõntiir vahtsõt Iraagi sõta uma
vanaimä ütlõmisõga
«Lõkõriq»
tutvusti plaati
Minevä kuu perämädsel pääväl pidi võro-
ja setokiilsiid laulõ laulva ansambli «Lõkõriq» Tarton
Sadamatiatrin maaha pikä kontsõrdi. Pidu peeti «Lõkõridõ»
plaadi «Süä kisk» avvus.
Tiatrimaja oll’ rahvast täüs, kokko võisõ
inemisi olla 400-500 ringin. Kontsõrt’ olõ-õs üles
ehitet nigu harilik ansambli kontsõrt’, a nigu
tenolaulminõ. «Lõkõriq» lauli pall’odõlõ sõbrulõ ja
toetajilõ tenolaulõ, sõbra ummakõrda lauli ummi laulõ
vasta. Nii oll’gi, et pääle «Lõkõridõ» sai kuulda
ansamblit «Liinatsuraq» ja «Tsibihärbläseq», lauli ka
potiseto ja pall’o tõõsõki. Inne kontsõrti pakuti viil
suidsulihha ja lõvvatäüs kangõmbat kraami.
«Lõkõridõ» plaadi «Süä kisk» pääl om 19 laulu. Sääl om
hulga eri laulustiile: rahvalaulust poplaulõni ja
kogoni räpini vällä. Nimilaul «Süä kisk» om «Lõkõridõ»
laulja Merca tett setokiilne räpp’, kohe lauldas
rütmis mano vanna seto laulõst tunnõt «tsukai-nukaid».
Ülejäänü laulu omma inämb
rahvalikku vurhvi.
«Lõkõridõ» nime all astusõ pääle Merca
viil üles Kalla Urmas, Riitsaarõ Evar, Ilvese Aapo,
Kauksi Ülle üten latsiga ja mitmõ-itmõ tõõsõ. «Lõkõridõ»
punt’ om laulõ tennü ja laulnu jo kats’ aastat,
lasõrtsõõr’ «Süä kisk» om näide edimäne plaat’.
UL
|
|