Umal Lehel om armõdu hää miil’, et noorõ
päälenakkaja meistre Räpinält omma vannamuudu palkmajju
tegemise man tõtõst inämb op’nu ja arõnu, ku tuud kümne
aasta iist unõngi nätä võisõ. Vannamuudu palk’maja omma
nii ilosa, et es’ki rikka saava tuust joba arvo.
Lõbu
Ragner taht ka maakivve müürüsladumisõ kunsti selges
oppi, selle et om jo nii hulga ilosit kivihuunit ja
varõmit, miä uutva meistre kätt.
Ka Urvastõ miis’ Contra löüd maal küländ tegemist ja
taha-i umast kodokandist kohegi minnä. Tä ütles vällä
ilosa kokkovõttõ: «Kirota saa egäl puul.» Räpinäl saias
kirotõdut tiatritükkü kogoni eduga lava pääle tuvva.
Urvastõlõ-Räpinäle piät nüüd külh mõni tõnõ Võromaa kolk
midägi kõrralist vasta märk’mä, Rõugõ kasvai näütüses.
A süküs tulõ ja suur’
tiatri poliitikan varjutas varsti kõik’ väikukõsõ
paigapäälsest aoluust kõnõlava lavastusõ. Hää om, ku
kõgõ vahtsõ ja hirmutava vaihõlõ lastas ka midägi vanna
ja umassaanut, «Õnne 13» näütüses. A viil parõmb,
ku kiäki võtnu iist ja tennü Võromaalt ni Setomaalt peri
näütlejidega vahtsõ võrokiilse tiatritükü, midä viil
mitukümmend aastakka miilde saassi tulõta. Kunst’ oll’
kõva sõna esiki N. Liidun, vas’t naatas ka Euroliidun
märk’mä, miä elon tähtsä om.
NB!
15. Kaika suvõülikuul’
peedäs 8.-10. põimukuu pääväl Urvastõn.
Buss’ Urvastõ lätt vällä riidi, 8.
põimukuu pääväl kell 11.30 Võro kerigu iist platsi päält
UMA LEHE
SÕBÕR!!
 |
Harju Ülle: Urvastõ
elo
käü
latsi ümbre
Vildi Eva: seo
kandi inemise tunnõt viie meetri päält är!
AHOLÄMMI!!!
ILM
Parralt lämmind ja
kurjõ tuuli
Bergmanni Karla,
ilmavana
Põimukuu om keskeltläbi jahõidõ ilmu ja sadõmidõga, või
olla piksid ja suuri tuulõhuugõ. Ka pääle edimäst
veerändit või olla kõvva piksevihma ja suuri
tuulõhuugõga ilma, miä või nii mõtsan ku ka nurmi pääl
mõnõl puul peris kurja tetä.
Viimädse veerändi aigu või olla mõnijagu aigu väega
lämmid selgit päivi, kon või olla ka ütsikit piksõhuugõ
ja sadõmid.
Kuu
lõpul või minnä ka jaihõmbas, tuu tähendäs niiüldä
parralt lämmäs. Selgide öie ja põh’apuulsiidõ tuuli aigu
või tekkü kõgõ madalippi kotustõ pääl üükülmäpelgüst.
Kuu lõpp ei olõ sadõmidõ poolõst mitte väega helde.
|
|
