Puhas eesti kiil`

Myni pois`kõnõ vai lats`kõsõ-nakats` mõtlõs külh vist, et egaq muid prügikaste olõman ei olõki, ku maja trepikuaq ja muroplatsiq. Ja ku keldreussõq valla saisvaq, sis käüdäs sehen asjal. Tuu jaos olõ-i vaia kattõ kruuni massa.

Ma näi, kuis üts` uhkõlõ rõivin poiskõsõnaga visas` tühässüüdü krõpsukoti kaubamaja trepi pääle. Toda näkk` üts` peenükene provvakõnõ kah ja käskse poiskõsõl praht` üles võtta ja prügükasti panda. Pois`kõnõ es tiiq kuulmagi. Provva arvas`, et pois`kõnõ ei saaq eesti keelest aru ja pruuvsõ tõist kiilt. Pois`kõnõ jäi iks vakka. A ku politseiga hirmutõdiq, sis läts` naksmanil helü valla ja ütel` väega selgen eesti keelen: «Mineq persehe!» Küll olõssi tahtnu küssüq, kost tä säänest eesti kiilt opis, kas koton kynõldas vai koolin opatas?

Märksi Ilmar

Kiri kiruta aaderssil Lao 5 Põlva liin
63 308 Uma Leht

Toimõndusõl um õigus kirju vahtsõlõ kiräviisi
pandaq ja naid lühendäq. Kirä iist honorari ei mastaq.