Üte
otsaga mulgi kaigas*
Nüüd sys tetti ka Viländimaal suvõülikooli-muudu
üritüs, miä andsõ inämb-vähämb suvõülikooli
mõõdu vällä kah. Üttegi näütemängu kül es
olõq, a laulu ja tandsu oll` külh, tetti käsitüüd,
kaeti taivatähti ja opiti tundma rohuhainu.
Synasaibaga ähvärdediq viljändläisi, kiä mulkõ
mainõt rikvaq, a esiq olõki-i mulgiq. Et nimäq ommaq
iks nii halvaq, hääletäjit pääle ei võtaq,
folgikülälisile kargasõq persega näkko ja ültse
kõndva vihadsõ näoga.
Kõrvaltkaejalõ
näüs, et viljändläseq kasutasõq mulgi nimme ärq
uma (äri)huvidõn, näütüses Mulgi reisiq ja Mulgi
Rammumiis` ommaq kaubamärgiq ja viil määntseq!
Tarvastu, Paistu, Helme, Karksi ja Abja perismulkõlõ
vala taa ynnõq õlli tullõ.
A ku võrokõsõq võivaq uhkusõga kandaq hamõt
kirägä «Kaigas om katõ otsaga», sys mulkõ umal
tundus üts` ots puudus ollõv. Rassõ ynnõ üldäq,
kumb: kas tuu, miä näütäs vastasõ poolõ, vai tuu
tõnõ, kost nuhtlõja kinniq hoit. Egätahes matsuq
jääväq nõrgas vai lääväq märgist müüdä.
Oll
kuuldaq juttu tuust, ku uhkõq, lahkõq ja suurõ
nal`asoonõga mulgiq ommaq. Küsüti ka tuud, kas
tulõvakõrd tuud üritüst kõrralda iks mulgi nime
all. Taa ajavat muu rahva minemä, et mis miiq topimi
umma nynna sinnäq, kon mulgiq umma asjo ajavaq.
Tegeligult
tükse sjoogi kõrd Võro peritollu osavõtjit inämb
olõma ku mulkõ. Et mulgis olõmist häbendedäs,
näütäs tuud, et olõ-i juuri ja et mulgis olõmine om
rohkõmb elostiil ku rahvus. Ja uhkõ elostiil. A mulgi
üritüsi või yks ka edespidi kaema minnäq.
*Timahavadsõ
Kaika suvõülikooli hammõ pääl oll kiri Kaigas
om katõ otsaga.
Tsääro
Elmar, Viiratsin eläv võrokõnõ
Võtkõ
bussipilet!
Sõitsõ
ildaaigu Põlva-Otepää bussini ja näi, kuis kats`
piint provvat massõvaq bussijuhilõ sõidu iist rahha
ja piletit sukugi taha-õs. Vuhistivaq säändse näoga
pinkõ vaihõlõ, nigu olõssi kinkälegi (bussijuhilõ?)
ilmatuma hääteo tennü.
Või-ollaq
nail provvidel om niipall` o rahha, et uma autoga Põlvan
kävvü, kui bussiq «sõitjidepuudusõl» mahaq võetas,
a võinuq õks märki, et bussi käügünhoitmist kaias
õks ostetü piletide päält.
A.K.
Kan`epist
Kiri kiruta aaderssil Lao 5 Põlva liin
63 308 Uma Leht
Toimõndusõl um õigus kirju vahtsõlõ kiräviisi
pandaq ja naid lühendäq. Kirä iist honorari ei
mastaq.
|