Sännäst peri võro luulõ klassiku Adsoni Arturi (1889–1977) luulõt hinnatas niivõrd, et Võro instituudil oll’ põhjust timä luulõtuisi kogo «Varjuliste puie all» tõist kõrda vällä anda.
Adsoni Arturi mitmõ luulõsõnumi omma hiidütävält pääväkajalidsõ ka parhilla, näütes iholidsõ armastusõ vällendüs (luulõtus «Kui hää om minole»), murõ vannu inemiisi peräst («Palve Issanda poole vannu inemiste peräst») ja latsi koolin käümise rasõhusõst arvusaaminõ («Esä taivan»).
Kogon omma pia kõik Adsoni kirotõdu luulõtusõ, raamatut ehtvä timä hindä tsehkendüse. Päält 500 lehekülega raamadu kaasõkujundusõ jaos omma üles võedu Sännä pargi põlidsõ puu. Raamadu kokkosäädjä Kepi Õnne ni üte toimõndaja Allasõ Tiia peräsõna andva võro klassiku luulõloominguhe süväkaehusõ.
Kogomik ilmu edimäst kõrda 2014. aastagal.
Allasõ Tiia
