Riidi, 21. lehekuul kell 10 peetäs Räpinä kihlkunna konvõrentsi. Kõik huvilidsõ saava ettekandit kullõlda õkvaülekandõst Youtube’in.
Konvõrendsi avaettekandõ tege aoluuhuvilinõ küberneetik Prausti Valdo, kiä kõnõlõs lüngäst Räpinä ümbrüse vanõmban asostusõn ehk tuust, miä võisõ sääl olla 11.–16. aastagasaal. Edesi pidä keeletundja Kalla Urmas ettekandõ «Räpinä keele kokkosaaminõ: miä tege tuu keele nii esisugutsõst?». Nimmiuurja Saarõ Evari ettekannõ om priinimmi pandmisõst Räpinä kihlkunnan 200 aastakka tagasi.
Luuduspühäpaiku tundja Kaasiku Ahto ettekannõ kõnõlõs Räpinä kihklunna luudusliidsist pühäpaigust. Kalla Urmas pidä viil tõõsõgi ettekandõ, tuu om rahvaluulõkorjamisõ osast Räpinä kirämiihi elotüün. Päävä lõpõtas Leesi Toivo Räpinä kodoluu- ja aiandusmuuõumist, tä kõnõlõs Räpinä mõisidõ luku.
Konvõrents peetäs Räpinä kihlkunna 385. aastapäävä avvus. Õkvalink ettekandidõ kullõmisõs tetäs valla Räpinä valla kodolehe pääl ja Räpinä valla FB-lehe pääl. Ettekandjilõ saa ettekandõ aol esitä ka küsümüisi, nuu tulõ saata aadrõsi kultuurikeskus@rapina.ee pääle.
Teedüst konvõrendsi kotsilõ saa Räpinä valla kultuurikeskusõst telefoni 5176 288 päält.
UL
