Minevä puulpäävä Pärnun peetü Koidula ilolugõmiskonkursi võitsõ Põlvast peri Parhomenko Maara, kiä parhilla opp Treffneri gümnaasiumin.
Koidula loomingust lugi Maara eestläisile häste tutvat luulõtust «Eesti muld ja Eesti süda». Tõsõs luulõtusõs oll’ täl valitu võrokõsõ Kangro Bernardi «Nägemus» kogost «Põues on palanguid, põskedel õhtuse paitus». Pääle hää ja ütenkiskva lugõmisõ saigi võitja kittä uma pääväkajalidsõ luulõvaliku iist. Hindajidõ kogon olli Pärnun Viidingu Elo, Meieli Kaupo ja Vaino Maarja.
Inne pääkonkurssi oll’ Võrol Kreutzwaldi majamuusõumin eelvuur, kon pääle Parhomenko Maara valiti mi kandi iist Pärnun välän olõma ka Purgasõ Ane.
Üleriigilist täüskasunuidõ Koidula etlemiskonkurssi peeti joba säitsmendät kõrda. Võro eelvoorun om olnu hääs tavas, et tõsõs luulõtusõs Koidula uma kõrvalõ valitas mõnõ Vana-Võromaaga köüdedü autori luulõtus.
UL
Parhomenko Maara. Allasõ Tiia pilt.
