Joba tõist kõrda kuulutas Teppo Augusti lõõdsatalo vällä vahtsidõ lõõdsapallo konkursi «Ummamuudu lugu».
Oodõtas esi tettüisi traditsioonilidsõn stiilin lõõdsapallo. Egä osavõtja saa konkursilõ saata kooni kolm luku ja noid oodõtas 29. rehekuu pääväs.
Võigõlus om katõn jaon: kõik saadõdu luu pandas vällä internetti, kon näile saa hellü anda, ja sis üten hindamiskogoga valitas vällä 15 luku, miä jõudva 27. märdikuul Kandlõ kultuurimajja lõppkontsõrdilõ.
Konkursi avvohinnafond om 1200 eurot. Ligemb teedüs ja kõrd om kätte saia kodolehe lootsatalu.ee pääl.
UL
