Minevä nätäl tenssi Võro instituut ja võro keele iistkõnõlõja kõiki Vana-Võromaa latsiaidu, kon tüütäs keelepesärühm. Egäle latsiaialõ kingiti illos suur silt, mis näütäs, et taan latsiaian kõnõldas latsiga võro kiilt.
Täämbä tüütäse keelepesärühmä Vanal-Võromaal 13 latsiaian, kon om kokko 16 keelepesarühmä. Nuu omma Harglõ kooli latsiaid, Kuldri kooli latsiaid Sipsik, Lasva latsiaid Pargihaldjas, Lusti latsiaid, Orava kooli latsiaid, Põlva latsiaid Mesimumm (kats keelepesärühmä), Põlva latsiaid Pihlapuu, Rõugõ latsiaid (kats keelepesärühmä: Rõugõ ja Viitinä rühm), Veriora latsiaid Õnneseen, Võro latsiaia Punamütsike, Päkapikk ja Sõleke (kats keelepesärühmä) ja Väimälä latsiaid Rukkilill.
UL
Võro instituudi direktri Kuuba Rainer ja võro keele iistkõnõlõja Oti Anneli Kuldri kooli latsiaialõ silti üle andman. Sildi võtva vasta keelepesäoppaja Kapi Linda ja opijuht-oppaja Absaloni Kristina. Haugi Evely pilt
