Minevä riidi tulli Tsooru rahvamajja kokku nuu, kedä huvitas, kuis kultuuri valdkunnan tsihte säädmine käü ja kuis ka määndsegi selge tulõmini jõuda. Edimäst kõrda olti Võrumaa arõnduskeskusõ kõrraldusõl 11. vahtsõaastakuu pääväl Vahtsõliina rahvamajan, kon uma ala as’atundja (Siili Ragnar, Halliku Astrid ja Sarvõ Jorma) kiti, et Võro maakunna arõngukavan ja ka umavalitsuisin eräle om kultuuri jagu peris lajalt vällä kirutõt.

«Võru liinan omma as’a kõgõ parõmbalõ,» nimmas’ Siili Ragnar. Märgotuisi tsiht om kokku saia «Luuva Võro maakunna tiikaart», miä olõs sõs umavalitsuisi-ülene kimmite tegemiisi plaan. Tsoorun tekk’ Siili Ragnar ülekaehusõ, kuis omma sündünü Eesti riigi kultuuri valdkunna senidse arõngukava ja mis tuu luumõmajandus ülepää om. Tä ütel’, et nii lajan ilman ku ka Eestin olõ-i taast tähtsäst majandusharust selget arvusaamist, a võinu olla. Selle ommaki kõik kultuuriinemise raamatidõ hoitjist nikagu luumõmajandajini oodõdu 8. radokuul (8.02) Rõugõ rahvamajja, kon teenusõdisainist kõnõlas Karu Markko.

Täpsempä teedüst saa Võrumaa arõnduskeskusõst Valsi Kristi käest.

Allasõ Tiia

Kultuuri valdkunna tsihisäädjä minevä riidi Tsooru rahvamajan. Allasõ Tiia pilt