Tsõõrigu jutu hõlahus
Ma kuuli raadiost, et kõgõh om süüdü pääministri. Kas seo om määnegi talv? Minevä valitsusõ aigu külh säänest asja es olõ, et üts päiv om pia kolmkümmend kraati külmä ja tõõnõ päiv joba kolm kraati lämmind. Külm piät iks paar nädälit olõma, saa ei üles-alla karõlda nigu elektrihind.
No odavat vuulu tahassi külh. A pääministri olõ ei tuulõparkõ ehitänü. Ja parhilla taht nuu vooluveski ehitä võlss kotusõ pääle. Parõmb tekku kõik tuulõpargi hoobis Eesti piiri taadõ. Ni kae määne lumi ja tuisk väläh mölläs. Ku nuur naanõ om pääministri, sõs tä iks lumõlellä vasta saa ei.
Ja ülepää piässi üts pääministri kõnõlõma ümärikumbat juttu, sõs ei saassi käiki säält kinni haarda. A nigu tä kõnõlõs lihtsähe ja õkva, mõistva kõik tälle hambit külge aia. Tä piät viil opma õigõhe poliitikus olõmist. Undsõnõ jutt ja ummi lubahuisi ümbrekäändmine om iks lihtsä inemise meele perrä olnu.
