Opihuvipäävä munapühhi nädälil tõiva Mõnistõ kuuli hulga küläliidsi, alatõn tiidüsilmast kooni kiili ja kinäde kunstõ maailmani vällä.
Suurõ ilma kiili kõrval oll’ valla ka võro keele tüütarõ, kon toimõndi Võro instituudi projektijuhi Allasõ Tiia ja Kabuna Kaile. Seokõrd es piä tüütarõn nutitelehvoni kotti jätmä vai kohegi är käkmä. Vastapiten, tuud oll’ vaia, et lüvvä üten võro keele ja kultuuri viktoriinin veebiplatvormi Kahoot pääl. Küsümüisile vastatõn tull’ valli nellä vastussõvariandsi vaihõl. Pääle tiidmiisi läts’ vaia ka kipõt näppo, et telefoniekraani pääl õigõ kastikõsõ pääle vaota. Nii saiva selges, midä tähendäse võro keelen näütüses «savvusann», «üsäpuutri» ja «pedäjäsiin».
UL
Mõnistõ kooli opilasõ võro keele ja kultuuri viktoriini tegemän. Toropi Heli pilt
