Hurda Jakobi nimeline Põlva rahvaharidusõ selts uut ettepanõkit timahavadsidõ rahvuskultuuri avvohindu andmisõs.
Preemiä andmisõga hoidas alalõ Hurda Jakobi mälehtüst ja hergütedäs rahvuskultuuriga köüdetüid tegemiisi Eestin ja Põlva maakunnan.
Statuudi perrä andas egäl aastagal vällä kats preemiät: üts inemisele, kiä om ummi tegemiisiga silmä paistnu üle Eesti, ja tõõnõ Põlva maakunnan silmä paistnulõ inemisele.
Rahvuskultuuri avvohinna andas esierälidse vai pikäaolidsõ toimõndamisõ iist eesti rahvuskultuuri man. Avvohinna suurus om 1000 eurot.
Kandidaatõ või esitä egäüts. Tuusjaos tulõ 24. mahlakuus (postitempli kuupäiv) saata Põlva rahvaharidusõ seltsile (aadrõss Kesk 16, 63308 Põlva vai e-postiga polva.rhs@mail.ee) vaban vormin ettepanõk, kon om kandidaadi nimi, timä rahvuskultuuriga köüdetüisi tegemiisi kokkovõtõ, avvohinna saamisõ põhjõndus. Är piäs olõma nimmat ka perämädse viie aasta joosul saadu suurõmba preemiä ja kandidaadi kontaktandmõ.
Teedüs tel 5190 4396 (Siirmanni Niina) vai polva.rhs@mail.ee.
UL
Hurda monument Põlvan.
