23. piimäkuul tekk’ Mõnistõ talorahvamuusõum pidolidsõlt vallalõ Mõnistõ mõisasüäme püsünäütüse.
Mõisaparki üles säetü viie vahtsõ teedüstahvli päält saa lukõ Mõnistõ kandi aoluu ja tuu kotsilõ, määndse huunõ omma kunagi mõisan olnu. Täämbädses olõ-i mõisahuunist midägi perrä, no saa teedüstahvlidõ abiga inneskiidsi huunidõ paiga teedä.
Teedüstahvlidõ teksti om kirotanu Raudvasara Mika (sais pildi pääl kesken teedüstahvli kõrval), kiä pidolidsõl ringkäügil umast tüüst kokkotulnuilõ huviliidsilõ kõnõl’.
UL
Rahmani Jani pilt
