Trehvsi lugõma artiklit pääväminegi vikahtkaarist. Tuu tekküvät sis, ku pääväminek ja vihmasado õigõtmuudu kokko trehväse. Harilikult om ilm iks pilveh, ku vihma satas, ja pääväminek esi om lühkeist aigu: eks tä tuuperäst omgi harva nätä. Sääne vikahtkaar om verekarva. Mullõ miildüs harvu eläjit, kasvõ ja nättüisi pilti võtta. Ja ku om tekkünü kimmäs suuv ja tahtminõ, andas ka võimalus.
Juhtu õdagudsõl aol Peipsi-viirset tiid sõitma. Vihma sattõ (pikne), a päiv kah paistu. Taivas läts’ erimuudu vereväs ja midägi täüskaari muudu tekkü, otsist eski topõld. Pei auto kinni ja haari kotist pildimassina.
Takkaperrä mõtlõ, et mis hädä aie säänest viimsepäävä muudu ilma nätä tahtma ja viil pildistämä. Ma ei tiiä, kuis tõisil, a mul hindäl tull’ taad kaiõn külh vähä hirm pääle.
Orassoni Elmet
Orassoni Elmeti pilt
