Päält katõ aastaga om Võro latsifestival jäl uman tävven hiilgusõn tagasi. 30. ja 31. hainakuu pääväl om terve liin täüs tervele perrele mõtõlduid ettevõtmiisi. Saa mängi, lõbustuspargin kävvü, kontsõrtõ kullõlda, laada pääl kaubõlda ja ka võro keelen tegemiisi tetä.
Timahava omma Võro instituudi tegemise kolinu Kreutzwaldi muusõumi moro pääle. Sääl saa meisterdä, mängi suidsusanna-lavvamängu ja puulpäävä kullõlda võrokeelitsid muinasjuttõ, midä jutustas Jansonsi Silvi.
Rohkõmb teedüst terve latsifestivali kava kotsilõ saa lehekülelt vorulastefestival.ee.
UL
