Andsak lugu aastaaigõga
Ma kuuli raadiost, et meil olliva õkva suvidsõ suusahüppevõistlusõ. Edimält tulõda miilde, et väläh om kimmäs süküs, mitte suvi. A suusõga sport käü iks talvõ mano. Ni lummõ piässi kah olõma.
Ja sõs loetas rehekuu liiklõmisõ sõnomiist, et suurõtii pääl om kiirusõ piirdmine, selle et parandõdas külmäkergütüisi. Kas tuust piät arvo saama, et suvõl tekk’ külm sõidutiile kurja. Mineväst talvõst om jo pia aasta müüdä. Ku terve suvi om saadu är sõita, kas sõs om mõistlik inne talvõ inämb rahha raisada. Vai oldas valmis jo vahtsõ talvõ külmä vasta.
No ma tiiäki-i, kas piät uskma, midä raadioh kõnõldas talvõ tulõgi kotsilõ. Äkki jääs seo aasta talv är ja pia tulõ kevväi.
