Minevä riidi tetti Vana-Võromaa kultuurikuan valla Kursi kuulkunna sünnüpäävänäütüs.
Näütüsel omma välän Gulgi Alberti, Kasemaa Andrusõ (1941–2016), Kruusamäe Ilmari, Suumanni Imati, Suitso Külli, Alliku Piitre (1966–2019), Pajosõ Priidu, Pangsepä Priidu, Tüüri Reiu ja küläliskunstnigu Pajosõ Lauri pildi. Kursi kuulkund om 1988. aastagal luud kunstnigõ ühendüs, mink luumisõst saa keväjä 35 aastakka.
Näütüs jääs vallalõ kooni 2023. aastaga 15. vahtsõaastakuu pääväni.
UL
Kursi kuulkunna üts asotaja,
Võromaalt peri Gulgi Albert
näütüse vallategemisel.
Kruusamäe Ilmari pilt
