Võro instituudi saalin tetti minevä riidi valla maalinäütüs «Siist ja säält». Maalõ autor Plumanni Kaja-Riina naas’ pilte tegemä pensionipõlvõn ja om no joba mitmõl näütüsel üles astnu.
Kunstnik esi ütles hindä kotsilõ niimuudu: «Latsõpõlv läts’ mul müüdä Lõuna-Eesti kuntõ vaihõl, koh värmi, lõhna ja helü olliva mu jaos tuusama ao tundmisõ võtmõs. Sis ma es mõista maastikku muu jaos ku suusatamisõs tarvita. Maalmisõ mano jõudminõ om võtnu mu rännütiist 70 aastakka.»
Näütüs om huviliidsilõ kaemisõs valla seo aasta lõpuni.
UL
