Kandlõ kultuurimajan Võro liinagaleriin om vallalõ tett näütüs «Pärand haagib». Kaia saa tuud, midä Tarto ülikooli Villändi kultuuriakadeemiä peränditehnoloogia opikava rahvusligu tekstiili ja metallitüü ala üliopilasõ valmis omma tennü.
Näütüsel om parihillatsidõ ja inneskiidsi üliopilaisi töid, miä näütäse näide arvosaamist umast rollist teedüsse kandmisõn olnust aost täämbädsehe aigu. Vällä om tuud nii opitüü käügin ku lõputüüs valmis saanuid asjo: rõivakomplekte, vaipu, kindit, metallist anomit, ehtit ja sepätüüd. Vaimujõudu om naidõ töie man ammutõt traditsiooniliidsist kirjust, värvest, kujondiist ja tegemise muudõst.
UL
