Puulpäävä, 7. vahtsõaastakuul peeti Kandlõ kultuurimajan kultuurirahva aasta alostusõ pito, kon jaeti vällä ka tunnustuisi.
Kultuurkapitali Võromaa ekspertgrupp and’ tunnustuspreemiä missioonitundõga galeristilõ Mõttusõ Stellalõ, uulidsakunsti iistvidäjäle ja raamadukunstnikulõ Kalle Kaililõ, inspiriirväle kultuurielo kõrraldajalõ Tombaku Merlele, raamadukogodõ pildin hoitjalõ Kuljusõ Ingalõ ja kunstielo rikkambas tegijäle Rumvolti Aivarilõ. Ekspertgrupi aastapreemiä saiva kultuurisündmüisi iistvidäjä Valsi Kristi, helümiis Eiche Madis, tandsujuht Udrasõ Maire, kultuuriruumõ ühendäjä Hõrna Aare ja mi ao lauluimä Kauksi Ülle.
Võromaa ekspertgrupi elotüütoetusõ sai kogokunna kultuurielo hoitja Zirgu Evi, elotüüpreemiä koorijuht Ilvese Helga. Tiitli «Võromaa kultuuripärl 2022» sai seto tandsukultuuri vidäjä Torm-Kriisi Piret.
Päält Kultuurkapitali anni preemjit vällä viil Eesti rahvakultuuri keskus ja Võro instituut.
UL
Preemiäsaajidõ ütine pilt Kandlõ kontsõrdisaali püüne pääl. Männe Tiina pilt
