Haridusprogramm «Ettevõtlik kool» tunnust’ minevä kuu lõpun tõisi siän avvohinnaga kattõ Võro maakunna kuuli. Antsla gümnaasium sai katõgoorian «Ettevõtlik projekt» edimädse kotussõ ja Haani kuul «Noorte algatuse» katõgoorian tõõsõ kotussõ ja päält tuu ka rahva lemmiku tiitli.
Antsla koolin opiti katõ aasta joosul hulga ettevõtlikkusõ ja ettevõtmisõga köüdetüt. Tuu aoga saadi tutvas paigapäälitside ettevõttidõga ja prooviti ka esi umma kraami müvvä ja umilõ ettevõtmiisilõ tugõjit löüdä. Antsla gümnaasiumi «Ettevõtliku kooli» tegemiisi vidäjä Rebäse Liivia löüd, et kõgõ tähtsämb saavutus om näil tuu, et kuul ja ettevõtja omma saanu tutvambas ja naanu tihtsämpä läbi käümä.
Haani kooli tunnustust saanu ettevõtminõ oll’ matkapäiv, miä vei osalidsõ Haanimaa mõtsu sisse seiklusmatkalõ.
UL
Rebäse Liivia vidä Antsla gümnaasiumin «Ettevõtliku kooli» tegemiisi. Vana Lota pilt
