Põlvan nakkas matk pääle seokõrd varra hummogu. Joba kell 7.30 saias vabahussamba man kokko ja tetäs umbõs 12 kilomiitret pikk matkatsõõr. Kõrraldas Põlva matkaklubi.
Matkatas ka Põlgastõn. Sääl saias Sinikalda poodi man kokko kell 12 ja võetas ette 6,5 km pikkunõ matkatii. Matka kõrraldas Naiskodokaitsõ Kanepi jaoskund, kiä pallõs üten võtta Eesti lipu vai hinnäst sinimustvalgõlõ rõivilõ säädi.
Antslan saa vabariigi tervüses matkada Kasumõtsa tervüseraa pääl ja ümbre päävä nõsõmisõst kooni päävä alaminekuni. Matkalõ või minnä jala vai suusõga, ütsindä vai sõbraga. Kõrraldas Hauka veloklubi.
Sulbin nakkas aastapäävä aoluumatk pääle kell 12, matkatas Ess-suu viirde ja tagasi. Kõrraldas Sulbi maarahva selts.
Matku tetäs kimmäle viil mitmõn paigan.
UL
