Seod pilti kaiõn või jäiä tunnõ, et maa külgetõmbamisõ jõud om är kaonu ja ijätsilga omma naanu tegünemä mitmõn tsihin.
Periselt om asi lihtsämb: kaartõtila omma üüse är külmänü ja vahtsõ päävä tulõkiga om lumi katussõ pääl allapoolõ vaonu, käändnü vana ijätsilga tõistõ tsihti ja vahtsit ijätsilkõ kasvatama naanu.
Pilt om tettü timahava 12. urbõkuul Võro küle all Navi külän. Pildi tekk’ Ilumäe talo pernaanõ Trolla Jaana.
Vot säändsit imeviguriid või varakeväjäne luudus meile mõnikõrd näüdädä.
UL
Trolla Jaana pilt
