Timahavatsõl Eesti pääväl Lätimaal Korneti rahvamajan näüdäti süvembält võrokõisi ja setodõ tegemiisi. Vällä oll’ säetü näütüs võrokeelidse laulupido Uma Pido aoluust ja kõrraldaja Tigasõ Merike tekk’ tuust ka põh’aligu ülekaehusõ.
Seto olli välän võimsa esindüsega, Korneti rahvast olli tulnu tervitämä Setomaa ülembsootska Gomozova Anzelika ja nuursootska Saarekivi Katariina-Lee. Vananurmõ Ilmar kandsõ ette uma laulu «Petseri valss» ja Hõrna Aare paksõ traditsiooniliidsi seto süüke ja juukõ.
Perän loengujako sai ümbre kaia väiku laadu pääl ja õdagu oll’ pargin suur pidoõdak, kon astõ päält paigapäälitside üles hulga mi kandi muusikit ja rahvatandsjit. Päiv lõppi simmaniga.
Pildi pääl pidä ettekannõt Uma Pido pääkõrraldaja Tigasõ Merike ja timä juttu pand läti kiilde Korneti miis Prangli Jaan.
UL
Eesti päiv Kornetin. Pilt om peri Aluksne maavalitsüse FB lehe päält.
