9. lehekuu pääväl peeti Euruupa päivä ja Väiku Werrone (Võro Waldorfi kuul) latsõ tei tuul pääväl umma kuuli keelekohvigu.
Olli eesti, inglüse, prantsusõ, hispaania ja ukraina kohvigu. Kõnõldi esi kiili ja pakuti tuu maa süüke. Vahepalas tandsiti, laulti ja üteldi salmikõisi.
2. klassi latsõ üten oppaja Hilbi Kristinaga olli tennü võro keele kohvigu, kon olli sööginime silte pääl võro keelen ja sai süvvä mi kandi süüke. Näütüses Võromaa hampsahusõ taldrigu pääl olli sõir, suidsuliha, puravik ja hapnõ kurgi. Eräle sai osta pannkuukõ sahvtiga, karaskit, põrknit ja muud hääd.
Fastrõ Mariko
Fastrõ Mariko pilt
