Timahavanõ suur Põlva lõõdsapido Harmoonika peetäs 8. hainakuul Indsikurmun.
Püüne pääl astva üles laulva lõõtspillimehe üle Eesti. Nätä saa Eesti lõõtspille kuundorkestrit, lõõtspillimiihi lauluansamblit, vabariigi pillimehe avvonime saanut Araku Martinit ja Ubina Juhanit. Rahva ette tulõ Tartese Heino ja sõpru ansambli.
Üten tegevä pillimehe Saksamaalt ja Austriast, tujjo loova rahvatandsja.
Lauluga astus timahavadsõl pidol üles Lehtlaanõ Boris, päält timä viil Põlvast peri laulja Värtoni Kätlin üten tütre Minna Mariega. Pido lavastas Mäeotsa Ain ja pidoliisi tujjo hoit üllen Oja Piitre.
Inne lõõdsapito om Põlva keskplatsi pääl Hurda Jakobi nimeline rahvussüüke festival. Pääle pito om simman, kon ast üles ansambli Kõhukesed.
Põlva liin kuulutõdi Eesti lõõdsapääliinas 2015. aastagal. Riikevaihõlinõ lõõtspillipido Harmoonika om lõõdsapääliina egäaastaganõ kõgõ tähtsämb sündmüs.
UL
Pilt mineväaastagadsõst Harmoonika pidost. Pilt Põlva vallavalitsüse pildikogost
