Aoluulanõ ja Kanepi kandi kultuuri edendäjä Hirvlaanõ Milvi om valmis saanu Jõksi kandi aoluu raamadu käsikirä. Raamatust löüd rahvaperimüsliidsi lorilugusit, fotosit ni pilte, arhiivimatõrjalõ ja Tina Augusti vannu käsikiräliidsi uurmistöid vahtsõn hammõn.

Raamat tuu rahvalõ kätte ja lugõmislavva pääle luu Jõksi kandi tallõst peri kultuuritegeläisilt, kiä lõunaeesti kiilt ni rahvuslikku heränemist 19. aastagasaal edesi aviti. Nuu kuulsa tegeläse omma näütüses Rothi, Treffneri, Kanni ja Danieli, kink elolugu passis häste kokko ka parhilladsõ «Tarto 2024» Lõunõ-Eesti tähtsäs pidämisega.

«Jõksi raamat» köüt kokko Kelläkülä, Heisri, Mõndsi, Naha, Piigandi, Karste ja Kaagvere külä luu. Kirätüüd om plaanitu näüdätä 12. süküskuu pääväl Kanepi seldsimajan. 300lehekülelidse raamadu and vällä MTÜ Kanepi Laulu Selts, mille auliigõ Hirvlaanõ Milvi om.

Huvilidsõ saava välläandmist tukõ Hooandja lehe pääl: hooandja.ee/projekt/joksi-raamat. Egäle tugõjalõ om ka väiku kingitüs.

Lisas plaanitas raamat kinki egäle Kanepi kihlkunna muusõumilõ, koolilõ ni raamadukogolõ.

Innembä om Hirvlaanõ Milvi kokko säädnü raamadu «Kanepi kihelkond 325», «Põlva Ühisgümnaasium ajast aega», «Minu Kanepi», «Erastvere raamat» ni hulga tõisi kodoluuraamatit, miä kõnõlasõ Kanepi kandi ao- ja kodoluust.

UL