Ruusatii mass
Ma kuuli raadiost, et pääliinah omma kõik uulidsa üles tsungidu. Sääl ei saavat ei jalaga kävvü ega massinaga sõita. Tuuperäst omma kõik Tal’na inemise ummi autidõga är tulnu Võromaalõ. Ja muidoki võtnu üteh nuu ummigu, minka nä harinu omma ja ilma milleldä nä mõistaki-i sõita. Ütskõik määne pido Setomaal vai Võromaal oll’, kõik suurõmba ja eräle väikumba tii olli massinit täüs. Autidõ rida vinnü õkva nigu pääliinah tüüpäävä hummogu.
Taa oll’ hullõmb ku ralli, a ralli lõpuh tetäs kõik tii kõrda. No ma mõtli, et automassu asõmõl tulõ tetä tiimass. Kõik, kiä olõ-i paigapäälidse inemise, piät masma suvõl siin teie ummistamisõ iist väiku summa. Ni lõpus tulõ perüs kinä raha kokko, et lappi är nuu tii, miä suvõga är lahutas.
