1. juunil 2024 tulõ Põlva Indsikurmun VI Uma Pido. Ka seokõrd saava pidolõ laulma tulla naasõ ja mehe, kiä parla kongi koorin üten ei tii, a tahtva Umal Pidol naisi- vai miihikoorilaulõ laulda.

Oodõtas lauluhelüga naisi nurmõst, miihi mõtsast, kõiki nii küläst ku liinast! Kuun opitas selges naisi- ja miihikuurõ laulu ja naisi-miihi osa ütiskuurõ laulõn. Noodi perrä laulmisõ mõistminõ olõ-i tähtsä; abis (a mitte nõudõs) om egäsugunõ varatsõmb koorin laulmisõ kogõmus. Tulla võiva ka segäkuurõ ja -ansambliidõ naasõ ja mehe!

Laulma tulõkis om mitu hääd põhjust: Uma Pido laulu omma väega ilosa; kodokandi keelen laulda om hää ja kuun mitmõ tuhandõ inemisega laulupidol laulda om uhkõ tunnõ!

Nurmõnaisi lauluproovi

Põlvan omma proovi Põlva kultuuri- ja huvikeskusõ kooriklassin neläpäivilde kell 18. Edimäne kokkosaaminõ om 5. oktoobril. Pruuvi tetäs üten naisikooriga Mai. Lisateedüs: Saidi Tammeorg, tel 509 7391.

Võrol omma proovi kultuurimaja Kannel II kõrra pääl väikun saalin kolmapäivilde kell 19. Edimäne kokkosaaminõ om 18. oktoobril. Pruuvi tetäs üten naisikooriga Kannel. Lisateedüs: Helga Ilves, tel 528 3549.

Mõtsamiihi lauluproovi

Võrol omma proovi kultuurimaja Kannel II kõrra pääl väikun saalin tõsõpäivilde kell 18. Edimäne kokkosaaminõ om 10. oktoobril (kl 17.30 alostõdas vahtsidõ lauljidõ helüprooviga). Pruuvi tetäs üten Võro miihikooriga. Ossavõtminõ tulõs inne kokko leppü, lisateedüs: Signe Rõõmus, tel 5664 6042, e-post: signe@tamula.edu.ee.

Lasval omma proovi rahvamaja saalin iispäivilde kell 18. Edimäne kokkosaaminõ om 16. oktoobril (kl 17.45 alostõdas vahtsidõ lauljidõ helüprooviga). Pruuvi tetäs üten Lasva miihikooriga. Lisateedüs: Jane Reiljan, tel 523 0354.

Teedüst Uma Pido kotsilõ saa ka kodolehe umapido.ee päält.

UL