Luudus tege umma
Ma kuuli raadiost, et säänest tormi, ku terve Eestimaa sai üttemuudu rääpi, olõ-i katskümmend aastat olnu. Tormituul murdsõ puid maaha nii pääliinah ku Võromaal. Katussit linnas’ kah egäl puul.
Sammamuudu tege üle terve riigi kurja kuusõkoorõjüräsk. Inemise külh nurisõsõ, et tsirgu võissi nuu kah’otegijä är süvvä, a või-olla taha-i tsirgu kah kõik aig ütsi ja sammo mutukit süvvä. Nigu inemiisil saa viländ porovikõ süümisest ja tahtva pruuvi, määne maik noil ilosidõ verevide ja valgidõ täppega siinil om. Kiä ello jääs, tuu inämb ei maidsa. Luudusõ vasta inemine iks ei saa.
