Nigu aasta lõpun õks, pakva muusõumi ka timahava programmõ, kon saa tutvust tetä jouluao kombidõga.
Mõnistõ talorahvamuusõumin tetäs joba 27. kõrda valla päkapikumaa. Küläliisi võtt vasta joulusokk, kiä avitas sõidust kangõs jäänüt kihhä sirota ja kõnõlas rehetarõn talorahva joulõst. Pääle tuud juvvas välän tsäid ja valõtas õnnõ. Edesi uut mõisaprovva kõiki latsi umma salongi meisterdämä ja lõpus tulõ latsilõ ka jouluvana, kiä tuu pakkõ.
Mõnistõ muusõumi jouluprogramm käü 4.–21. joulukuuni, perrepäiv om 16. joulukuul. Ligembät teedüst saa aadrõssi monistemuuseum.ee päält.
Karilatsi vabaõhumuusõumi programmin saa 6.–21. joulukuuni nätä jouluehtin muusõumimaiu, oppi joulutarkuisi, mängi joulumänge, laulda joululaulõ ja trehvädä esimuudu joulutegeläisiga. Ligemb teedüs ja kirjapandminõ aadrõssi karilatsimuuseum.ee pääl.
UL
