Võro instituut om vällä kuulutanu 37. latsilõ ja nuurilõ mõtõldu võrokiilside kirätöie võistlusõ «Mino Võromaa». Tähtaig om 2024. aasta radokuu 17. päiv.
Võistlusõlõ oodõtas kõiksugutsit kirätöid: juttõ, luulõtuisi, nal’ajuttõ, näütemängõ, katõkõnnit, märgotuisi, laulõ jne. Timahava saa valli viie teema hulgast, a kirota või ka vabal teemal. Parõmba kirotaja saava avvohinna.
«Mino Võromaa» 37. võistlusõ teema omma:
1. Üts vigurijutt
2. Sai jälki targõmbas
3. Köögist tulõ hääd hõngu
4. Liinast maalõ vai maalt liina
5. Muusiga mu seen ja ümbre
Võistlustüü tulõ saata meili pääle kaile.kabun@wi.ee. Ku tüüd kuigi meili pääle saata ei saa, või käsikirä tuvva Võro instituuti (Tartu 48, Võro).
UL
