Võro keele sõbõr
Ma kuuli raadiost, et om vällä mõtõld sääne plaan, kon eesti kiilt häste mõistva inemise kõnõlõsõ juttu noidõ inemiisiga, kiä omma eesti kiilt opnu ja tahtva kõnõlõmist har’ota. Tuud om tettü jo kolm aastat. Sääne programm võissi olla iinkujos ka kõikilõ noilõ, kiä murõhtasõ võro keele kõnõlõmisõ peräst.
Olõ kuulnu nii mitmõ inemise käest, et nä kõnõlõ-i selle võro kiilt, et olõ-i kinka kõnõlda. Ma esi olõ-i tuud tähele pandnu. Ku ma alosta juttu võro keeleh, sõs naatas vasta kah kõnõlõma. A noid inemiisi om veidü, kiä eesti keelele alasi võro keeleh vasta ütlese.
Selle kutsu üles, et võro keele iistvidäjä tiissi kah säändse võro keele sõpru kogo, kellega tahtja saava võro kiilt kõnõlda. Ma olõssi hää meelega sääne keelesõbõr.
