Kõomahla aig
Ma kuuli raadiost, et mõnõ inemise naka-i iks tuuperäst veidemb limmonaati ostma, et mass pääle pandas. Nä arvasõ viil, et tuu avita-i tervüse hoitmisõlõ üten. No las nä ostva, sõs saa vähämbält riik pall’o massurahha. A peräh massa-i hädäldä, et poodih om kõik kallis ja jõvva-i lihha osta. Ku tsukrujuukõ jõvvat osta, sõs rahha iks jakkus.
A ku tahat iks makõt juvva ja rahha kokko hoita, otsi vällä oherd ja mine mõtsa kõivo tikkama. Vahtrõmahl tsilgus joba ammu, ni kõomahla jakkus viil tüküs aos. Tuu makõ ja tervüst täüs juuk om umast mõtsast õkva priilt võtta. Jääs viil keldrihe pandmisõski.
